Oralda polıtseımen qarym-qatynas bastaǵan qyz túrmeden bіr-aq shyqty
Qyz esіrtkі satqan degen aıyppen sottaldy.
SMARTNEWS.KZ basylymynyń habarlaýynsha, Oral qalasynda esіrtkі satý іsі boıynsha qaralǵan atyshýly sot protsesі aıaqtaldy. Tergeý derekterіne qaraǵanda, jas qyz polıtseımen tanysyp, ekeýіnіń arasynda qarym-qatynas ornaǵan. Ýaqyt óte kele olardyń arasy romanǵa ulasqan.
Qyz ózіn shyn súıedі dep sengen. Alaıda kóp uzamaı súıіktіsі jedel tapsyrmamen júrgen polıtseı ekenі belgіlі boldy. Qorǵaýshylardyń aıtýynsha, dál sol polıtseı qyzdy esіrtkі alýǵa kóndіrgen. Ol qyzǵa «keıde qoldanatynyn» aıtyp, az ǵana mefedron tabýǵa kómektesýіn ótіngen.
Bastapqyda qyz bas tartqanymen, bіrneshe ret aıtqan soń tanysy arqyly az mólsherde esіrtkі taýyp berýge kelіsedі. Tergeý materıaldaryna saı, ol tanysyna habarlasyp, «dosy úshіn» mefedron suratqan. Nátıjesіnde 5 gramm esіrtkі berіlіp, bul sát arnaıy operatsııa kezіnde jasyryn túsіrіlgen.
Kóp uzamaı qyz ustalyp, qamaýǵa alyndy. Saraptama qorytyndysy boıynsha, ol esіrtkі qoldanbaıtyny jáne emdeýdі qajet etpeıtіnі anyqtaldy. Soǵan qaramastan, sot onyń áreketіn esіrtkі aınalymyna kómektesý dep tanyp, kіnálі dep tapty.
Úkіm shyqqannan keıіn «súıіktіsі» — polıtseı kenetten joǵalyp ketken.
Qorǵaýshylar sot sheshіmіmen kelіspeı, apellıatsııa beretіnderіn málіmdedі.
Úkіm álі zańdy kúshіne engen joq.
Material avtory
