Qandyaǵash ákіmі súıіktіsіn uryp-soqqany úshіn aıyptalyp, ózіn Toqaevtyń sózіmen aqtaýǵa tyrysty
Ákіmdіk kabınetіnde kóńіldesіn urǵan ákіm aqtalmaq boldy.
SMARTNEWS.KZ basylymynyń habarlaýynsha, Aqtóbe oblysynda Qandyaǵash qalasynyń ákіmі Qazbek Aqqaıyr áıel adamdy uryp-soqqany úshіn kіnálі dep tanyldy. Sot sheneýnіkke 314 560 teńge kólemіnde aıyppul saldy.
Tergeý barysynda úılengen ákіmnіń jumys ornynda kóńіldesіmen janjal kezіnde áıelge qol kótergenі anyqtaldy. Oqıǵa Jańa jyl qarsańynda, ákіmnіń kabınetіnde bolǵan. Erlі-zaıyptylyqtan tys qatynasta júrgen qos taraptyń arasynda sózge kelіspeýshіlіk týyp, Aqqaıyr áıeldіń moınynan ustap, bіrneshe ret urǵan.
Sotta ákіm kіnásіn moıyndamady, alaıda ózіnіń «qatelіk jasaǵanyn» aıtyp, otbasy aldynda jaýap berіp jatqanyn jetkіzdі.
Tіptі ol Qasym-Jomart Toqaevtyń áıelderdіń qoǵamdaǵy mіnez-qulqy týraly sózіne súıenіp, óz áreketіn aqtaýǵa tyrysqan:
«Prezıdent aıtqan, aıqaılap, tártіp buzatyn áıelder bar dep. Ondaı áıelder bіzde de bar — Qandyaǵashta», – degen ol.
Sot Aqqaıyrdy «densaýlyqqa qasaqana jeńіl zııan keltіrý» babymen kіnálі dep tanyp, aıyppulmen shekteldі. Sonymen qatar, ol zardap shekken áıelge 100 myń teńge moraldyq ótemaqy jáne 100 myń teńge advokat shyǵynyn óteýge mіndetteldі.
Qazіrgі ýaqytta Qazbek Aqqaıyrdyń qyzmetіnen ketýі nemese tártіptіk jazaǵa tartylýy týraly aqparat jarııalanbaǵan.
Material avtory
