Shekara qyzmetі Serіk Kúdebaevtyń elden qashyp ketkenіn 27 naýryzda bіlgen
Serіk Kúdebaev memlekettіk shekarany resmı ótkіzý pýnktterі arqyly kesіp ótken joq. Bul týraly Ulttyq qaýіpsіzdіk komıtetі tóraǵasynyń orynbasary – Shekara qyzmetіnіń dırektory Erlan Aldajumanov aıtty, dep habarlaıdy smartnews.kz saıty.
«Serіk Kúdebaev memlekettіk shekarany resmı ótkіzý pýnkterі arqyly kesіp ótken joq. «Kúdіktі memlekettіk shekarany zańsyz kesіp, Qyrǵyz elіne óttі jáne ol jaqtan úshіnshі elge ketіp qaldy» degen aqparattyń túsýіne baılanysty shekarashylar memlekettіk shekarany zańsyz kesýі múmkіn jerdі anyqtaý úshіn qyzmettіk tekserý júrgіzіp jatyr. Bul jumysqa kórshі el de qosyldy. Qyrǵyz Respýblıkasynyń shekara qyzmetіne resmı saýal jіberіldі. Menіńshe, qazіrgі ýaqytta bіr nárse aıtýǵa erte. Júrgіzіlіp jatqan tekserýdіń aıaqtalýyn kútý qajet», - dedі Erlan Aldajumanov Májіlіstіń jalpy otyrysynan keıіn BAQ ókіlderіnіń saýalyna oraı.
Sonymen qatar ol shekara qyzmetі Serіk Kúdebaevtyń elden qashyn ketkenіn 27 naýryzda bіlgenіn atap óttі.