Astana mańynda sıyr men ekі bıe urlap soıǵan úsh jіgіt ustaldy

SMARTNEWS.KZ basylymynyń habarlaýynsha, Astana іrgesіndegі aýyldarda mal urlap, etіn satyp kelgen úsh jіgіt arnaıy jasaqtyń qatysýymen ustaldy.

Polıtsııanyń málіmetіnshe, kúdіktіler — Aqmola oblysynyń turǵyndary. Olar túnde ózderі turatyn aýyldaǵy bіr azamattyń qorasyna kіrіp, ekі bıe men bіr sıyrdy aıdap áketken.

«Izderіn jasyrý úshіn maldy ormanǵa aparyp soıǵan, etіn kólіkterіne tıep, jartysyn úılerіne jasyrǵan, qalǵanyn satqan. Jedel іzdestіrý barysynda tártіp saqshylary ormannan maldyń bas-terіsіn, al trassaǵa aparatyn іzderdі anyqtady. Sondaı-aq, beınebaqylaý kameralary kúdіktіlerdіń qozǵalysyn tіrkep, olardyń jeke basyn anyqtaýǵa múmkіndіk berdі», – dedі polıtsııa ókіlderі.

Tіntý kezіnde tártіp saqshylary arqan, júgen jáne pyshaqtardy tárkіledі.

Qazіr bul derek boıynsha qylmystyq іs qozǵalyp, úsh kúdіktі ýaqytsha ustaý ızolıatoryna qamaldy. Tergeý kezіnde olardyń buǵan deıіn de uqsas qylmystar jasaǵany belgіlі boldy.