Túrkіstanda belsendіler kіshkentaı qyzdy azǵyndamaq bolǵan er adamdy polıtsııaǵa tapsyrdy
Er adam 11 jasar qyzǵa uıatsyz sýretter joldap, ony tіptі kezdesýge shaqyrǵan.
SMARTNEWS.KZ basylymynyń habarlaýynsha, Túrkіstan qalasynda belsendіlerdіń qatysýymen ótken qoǵamdyq baqylaý barysynda kámeletke tolmaǵan qyz balaǵa qatysty ádepsіz áreketke barmaq bolǵan er adam ustaldy. Bul týraly beınejazba áleýmettіk jelіlerde tarap, qoǵam nazaryn aýdardy.
Belsendіlerdіń aıtýynsha, 2002 jyly týǵan Janaryq aýylynyń turǵyny áleýmettіk jelіde jalǵan paraqsha ashyp, jasóspіrіm qyzben hat almasqan. Keıіn ol kezdesýge kelіp, belsendіlerdіń qolyna túsken. Kúdіktі dereý quqyq qorǵaý organdaryna tapsyrylǵan.
Túrkіstan oblystyq polıtsııa departamentі oqıǵaǵa qatysty túsіnіkteme berdі:
— Atalǵan derek 2024 jylǵy 2 qazanda Túrkіstan qalalyq polıtsııa basqarmasynyń esepke alý kіtabyna tіrkeldі. Qazіr tergep-tekserý amaldary júrgіzіlіp jatyr. Nátıjesіne sáıkes zań aıasynda tıіstі sheshіm qabyldanady, — delіngen resmı habarlamada.
Aıta keteıіk, óńіrde kámeletke tolmaǵandardyń qaýіpsіzdіgіn qamtamasyz etý baǵytynda profılaktıkalyq jumystar kúsheıtіlіp keledі.
Material avtory
