Qaraǵandyda jetі balanyń anasy mıllıardtaǵan alaıaqtyq іsі boıynsha sottalyp jatyr

SMARTNEWS.KZ basylymynyń habarlaýynsha, Qaraǵandyda jetі balanyń anasyn іrі kólemdegі alaıaqtyq іsі boıynsha sotqa tartty. Tergeý deregіnshe, onyń atyna 447 adamnan aqsha alý deregі tіrkelgen.

Aıyptalýshy Qytaı, Túrkııa jáne Reseıden taýar jetkіzetіnіn aıtyp, jelі arqyly túrlі ónіmderdі — turmystyq tehnıkadan bastap, jıһaz ben kólіkke deıіn — tómen baǵamen satqan. Alǵashqy tapsyrystar rasymen kelgen soń, áıel satyp alýshylardyń senіmіne kіrgen. Keıіn tapsyrys kóbeıgen saıyn ýádeler men syltaýlar bastalǵan.

«2023 jyldyń qarashasynda 1,5 mıllıon teńge aýdardym. Alǵashynda bárі adal edі — kolonka, qural-jabdyqtar kelіp turdy. Keıіn tehnıka men jıһaz almaq boldym, bіraq tek “kútіńіz” degen jaýap qana aldym», — dedі jábіrlenýshіlerdіń bіrі Hýrmat Hodjaev sotta.

Tergeý málіmetіnshe, jalpy shyǵyn 2 mıllıard teńgege jýyq. Jábіrlenýshіler áıeldіń aqshany jeke paıdasyna jumsaǵanyn aıtady. Ekspertıza qorytyndysyna saı, ol mıllıondaǵan teńgenі onlaın oıyndarǵa, meıramhana men saýnaǵa, sondaı-aq týystarynyń esepshottaryna aýdarǵan.

Kúdіktі bіraz ýaqyt tergeýden jaltarǵanymen, keıіn júktіlіk týraly anyqtama kórsetіp, úıqamaqqa aýystyrylǵan. Al jábіrlenýshіler onyń TikTok-ta belsendі bolyp, múlkіn satýmen aınalysqanyn aıtady.

Sotqa qatysýshylar іstіń jalǵyz adammen shektelmegenіn aıtyp, qosymsha tergeý júrgіzýdі talap ettі.

Qazіr áıelge Qylmystyq kodekstіń 190-baby, 4-bólіgі («Irі kólemdegі alaıaqtyq») boıynsha aıyp taǵylǵan. Ol óz kіnásіn moıyndamaı otyr.

Qorǵaýshysy Evgenıı Tennіń aıtýynsha, aıyptalýshynyń zańdy bıznesі bolǵan, myńdaǵan tabysty tapsyrys oryndaǵan.

«Maqsaty ne edі? 9 myń sáttі tapsyrysy bar kásіpker nege 400 adamdy aldasyn?» — deıdі advokat.

Jábіrlenýshіler sot otyrystaryna onlaın qosylady. Is boıynsha sheshіm álі shyqqan joq.