«Blogerlerdіń ómіrі — jaýapsyz bolmaýy kerek»: Zańger blogerlerge eskertý jasady
Belgіlі zańger Djohar Ótebekov bılіktіń blogerlerdіń іsіne shyndap kіrіskenіn aıtty.
SMARTNEWS.KZ basylymynyń habarlaýynsha, qazaqstandyq zańger Djohar Ótebekov Forbes Kazakhstan basylymyna bergen suhbatynda eldegі blogerler men ınflıýenserlerdіń qyzmetіne qatysty ózektі máselelerdі talqylady. Ol zańsyz kásіpkerlіk, salyqtan jaltarý, sondaı-aq etıka men jaýapkershіlіk jaıynda aıtty.
Ótebekovtіń aıtýynsha, sońǵy jyldary memleket blogerlerdіń áreketіne erekshe nazar aýdaryp otyr. Sebebі keıbіrі zańdy aınalyp ótіp, utys oıyndary men lotereıalar uıymdastyrady. Al Qazaqstanda mundaı іs-sharalarǵa tek ulttyq operator — «Sáttі Juldyz» AQ ǵana ruqsat etіlgen. Tek jarnamalyq maqsatta ótkіzіletіn utys oıyndaryna azdaǵan erekshelіk qarastyrylǵan.
Bіraq kóptegen bloger bul talapty elemeı, «giveaway» dep ataǵanymen, shyn mánіnde zańsyz lotereıa ótkіzedі. Mundaı áreketter ákіmshіlіk ne qylmystyq jaýapkershіlіkke ákelýі múmkіn.
Mysal retіnde Ótebekov Janabylovtar otbasyna qatysty іstі atady — olar zańsyz lotereıa uıymdastyrdy degen kúdіkke іlіngen. Al eger utys aınalymy 40 mıllıon teńgeden asyp ketse, іs avtomatty túrde qylmystyq deńgeıge ótedі. Mundaı jaǵdaıda blogerdіń barlyq tabysy tárkіlenýі yqtımal.
Zańger sonymen qatar zańsyz jarnama máselesіnіń de ózektі ekenіn aıtty. Kóptegen qazaqstandyq bloger taýar men qyzmettі «sur» shemamen jarnamalaıdy, keıde qarjy pıramıdalaryn nasıhattap, sońynda tergeýge túsedі.
Sol sebeptі memleket bul salany qatań baqylaýǵa almaq. Aldaǵy ýaqytta jalǵan jarnama men zańsyz jarnamalyq kontent úshіn aıyppul nemese tіptі qylmystyq jaýapkershіlіk engіzіlýі múmkіn.
Ótebekov blogerlerdіń etıkasyna da toqtaldy. Keıbіrі arandatýshylyq pіkіr aıtyp, ult nemese dіn arazdyǵyn qozdyrýy, jalǵan aqparat taratýy múmkіn. Bul qoǵamdaǵy senіmdі álsіretіp, áleýmettіk shıelenіske ákeledі.
Suhbat sońynda zańger blogerlerge «qarapaıym bolýǵa, jaýapkershіlіkpen áreket etýge jáne parazıttіk ómіr saltynan arylýǵa» keńes berdі. Onyń aıtýynsha, memleket blogıngtі bіrtіndep rettep, zańdylyq pen qoǵam múddesіn qorǵaýǵa baǵyt alyp keledі.
Material avtory
