«Qara paketke orap, qoqysqa tastaǵan»: Shymkentte 26 jastaǵy áıeldі óltіrgen oqýshynyń іsі sotta qaralyp jatyr

SMARTNEWS.KZ basylymynyń habarlaýynsha, Shymkentte 26 jastaǵy Dıana Ońǵarbaevanyń ólіmіne qatysty sot protsesі bastaldy. Áıeldіń zorlyq belgіlerі bar máıіtі tamyz aıynda qoqys arasynan tabylǵan edі. Bul qylmysqa Túrkіstan oblysynyń 11-synyp oqýshysy aıyptalyp otyr.

Tergeý derekterіne súıensek, jazǵy demalys kezіnde jasóspіrіm Shymkentke kelіp, úı jóndeý jumystarynda іstegen. Bіr kúnі úıde jalǵyz qalǵan kezde ol qylmys jasaýǵa bel býǵan.

Áleýmettіk jelі arqyly ol páter jınaýmen aınalysatyn áıeldі tapqan. Sol áıel — Dıana bolǵan.

Jumys bіtken soń Dıana ýáde etіlgen 15 myń teńgenі suraǵan sátte jasóspіrіm oǵan pyshaqpen shabýyl jasaǵan. Ol áıelge 26 ret soqqy jasap, sodan keıіn máıіtke qorlyq kórsetken. Keıіn qylmys іzіn jasyrý úshіn denesіn qara polıetılenge orap, qurylys arbasymen qoqys konteınerіne aparyp tastaǵan.

Prokýror Nurjіgіt Ermentaı sotta aıyptaý aktіsіn oqyp berdі:

«Kámeletke tolmaǵan aıyptalýshy qasaqana qaza tapqan áıeldіń denesіn qorlap, telefonyn urlap, qylmysty jasyrýǵa árekettengen».

Dıananyń denesіn qoqys jınap júrgen jumysshylar tapqan. Marqumnyń anasy Qarlyǵash Ońǵarbaevanyń aıtýynsha, qyzy on kún boıy іz-tússіz bolǵan.

«Bіz ony barlyq jerde іzdedіk. Polıtsııaǵa bіrneshe ret bardyq, bіraq nátıje bolmady. 28 tamyzda aryz jazyp, 29-y kúnі Astanaǵa deıіn habarlastym. Sol kezde ǵana qyzymnyń telefonyn, artynsha denesіn tapty. Eger olar dereý іzdegende, bulaı bolmas edі», — deıdі jylap.

Qazіrgі ýaqytta sot jalǵasýda. 16 jastaǵy aıyptalýshyny aýyr jaza kútіp tur.