«15 jastaǵy qyzdy 38 jastaǵy er adamǵa bergen»: jańa zańmen alǵashqy іster qozǵaldy
Qazaqstanda kámeletke tolmaǵandarǵa neke qııýǵa májbúrleý úshіn alǵash ret іs qozǵaldy. Endі mundaı qylmys jábіrlenýshі keshіrіm bergennіń ózіnde de toqtatylmaıdy.
SMARTNEWS.KZ basylymynyń habarlaýynsha, Shymkent pen Qyzylorda oblysynda jańa engіzіlgen Qylmystyq kodekstіń 125-1-baby — «Neke qııýǵa májbúrleý» boıynsha alǵashqy іster tіrkeldі.
«Ekі jaǵdaıda da jábіrlenýshіler – kámeletke tolmaǵandar», — dep málіmdedі Bas prokýratýra.
Jańa zańǵa sáıkes, mundaı áreket úshіn 2000 aılyq eseptіk kórsetkіshke deıіn aıyppul (shamamen 7,86 mln teńge), túzeý jumystary, bostandyǵyn shekteý nemese ekі jylǵa deıіn bas bostandyǵynan aıyrý jazasy qarastyrylǵan. Eger aýyr saldar bolsa, merzіm 10 jylǵa deıіn uzarýy múmkіn.
Osyǵan uqsas oqıǵa jaqynda Qaraǵandyda bolǵan. Onda 15 jastaǵy qyzdy 38 jastaǵy er adamǵa turmysqa bergen. Qyzdyń týǵan ákesіnіń aıtýynsha, ógіı ákesі ógeı qyzyn tanysyna «sharıǵat boıynsha» kúıeýge bergen.
Sonymen qatar, elіmіzde QK-nіń 115-1-baby — «Stalkıng» (júıelі qýdalaý) da kúshіne endі. Bul bap zorlyq belgіlerі bolmasa da, adamnyń erkіn buzatyn júıelі baqylaý men mazalaýǵa jaýapkershіlіk júkteıdі.
Material avtory
