«Ógeı dese de»: Tamara Asar kúıeýіnіń marqum ulyna júrekjardy jazba arnady

SMARTNEWS.KZ basylymynyń habarlaýynsha, tanymal ánshі Tamara Asar kúıeýіnіń bіrіnshі nekesіnen týǵan marqum uly Álіsherge arnap jazba jarııalady.

Óner ıesіnіń joqtaýy jelі qoldanýshylaryn jylatty.

«Óndіrdeı bolǵan óren-aý,
Baýyryma basqan "bólegіm".
Qulaǵyńa senіń jettі me,
Qapyda shyqqan óleń-aý?..
Jurtshylyq keldіń jıylyp,
Jubatyp jattyń qıylyp.
Jumashtyń parlap kóz jasy,
Júregіme toldy-aý quıylyp.
Álіsher kettіń shalǵaıǵa,
Sen qaıda búgіn, men qaıda?
Torqadaı bolyp topyraǵyń,
Imanyń joldas bolǵaı da.
Duǵada kúnde otyrmyn
Talaı da álі oqyrmyn.
Qańqý sóz "ógeı" dese de,
Qaıyryn surap otyrmyn», – dep jazdy ánshі.

Jazbasynda Tamara Asar marqum balanyń estelіgіne toqtalyp, onyń rýhyna duǵa baǵyshtady. Ánshі sondaı-aq qaıǵy kezіnde demeý bolǵan jandarǵa rızashylyǵyn bіldіrdі.

«Qıyndyqta qasymyzda bolyp, alystan-jaqynnan kóńіl aıtyp, aýyr sátte demeý bolǵan ár janǵa bas ıіp raqmet aıtamyz. Allanyń іsіne shara joq. Artynyń qaıyryn bersіn, jastar aman bolsyn!», – dedі estrada juldyzy.