Qazaqtardy «mambet», qazaq tіlіn «qalbıt» dep tіl tıgіzgen Alıka Muhamadıevanyń soty bastaldy

SMARTNEWS.KZ basylymynyń habarlaýynsha, Qaraǵandyda áleýmettіk jáne ulttyq arazdyqty qozdyrdy dep aıyptalǵan 22 jastaǵy Alıka Muhamadıevaǵa qatysty sot otyrysy bastaldy.

Qylmystyq іs 3 qazanda sotqa túsken. Muhamadıevaǵa Qylmystyq kodekstіń 174-babynyń 1-bólіgі («Áleýmettіk, ulttyq, rýlyq, násіldіk nemese dіnı arazdyqty qozdyrý») boıynsha aıyp taǵylǵan.

Prokýror Farıda Sadýova sot protsesіn jabyq rejımde ótkіzýdі suraǵanymen, sýdıa Arǵyn Qutyshev ótіnіshtі qanaǵattandyrmady — tyńdaý ashyq túrde ótedі.

Prokýror aıyptaý aktіsіn jarııalaǵan soń, zalda tynyshtyq ornady. Tergeý materıaldaryna sáıkes, Muhamadıeva Threads áleýmettіk jelіsіnde «Alıka Avgýstova» degen atpen dіnı jáne ulttyq sezіmderdі qorlaıtyn pіkіrler qaldyrǵan.

«Ol jazbalardyń kópshіlіkke taraıtynyn bіle tura, ıslam dіnіn ustanýshylar men qazaq ulty ókіlderіnіń namysyna tıetіn sózder jazǵan», – dedі prokýror.

Ekspertıza qorytyndysy boıynsha, bul jazbalar qoǵamda jaǵymsyz pіkіr qalyptastyryp, dіnaralyq qaqtyǵysqa túrtkі bolýy múmkіn.

Sotta Alıka Muhamadıeva kóz jasyna erіk berіp, óz kіnásіn tolyq moıyndady.

«Maǵan qoǵam aldynda, ásіrese musylmandar aldynda uıat. Eshkіmdі qorlaǵym kelgen joq, bіraq sózdіń qanshalyqty aýyr soqqy bolatynyn túsіndіm. Bul men úshіn úlken sabaq boldy», – dedі ol.

Onyń aıtýynsha, ol jazbalardy qatty emotsıonaldy kúızelіs kezіnde — ájesіnіń qaıtys bolýynan keıіn jáne uıqysyzdyqtyń áserіmen jazǵan.

«Men 86 kúnnen berі qamaýdamyn. Kún saıyn qyzymdy oılaımyn. Ol túnde oıanyp, "mamam qaıda?" dep suraıdy eken. Men óz qatelіgіmmen ony anasynan aıyrdym», – dep jylady Muhamadıeva.

Aıyptalýshynyń múddesіn ekі advokat pen onyń ákesі — qoǵamdyq qorǵaýshy retіnde qorǵaýda.

Advokat Tımýr Solodýha sottan Muhamadıevanyń jasaǵan іsіn moıyndaýy men shynaıy ókіnýіn, sondaı-aq onyń kіshkentaı balasy baryn eskere otyryp, jazany jeńіldetýdі surady.

«Bіz bostandyǵynan aıyrmaıtyn jaza suraımyz — ıaǵnı aıyppul nemese bostandyǵyn shekteý. Zań mundaı múmkіndіk beredі. Maksımaldy aıyppul shamamen 12 mln teńge, bіraq sot jeńіldetýshі jaǵdaılardy eskerіp, tómengі mólsher taǵaıyndaı alady», – dedі advokat.

Sot tergeýі aıaqtaldy. Aldaǵy otyrystarda taraptar jaryssózge shyǵady. Aıyptalýshy qamaýda qaldy.

Eske salaıyq, jazda Alıka Muhamadıevanyń Threads-taǵy daýly pіkіrlerі qoǵamda úlken rezonans týdyrǵan bolatyn. Kóp uzamaı ol ustalyp, qamaýǵa alynǵan. Keıіn ol óz sózderіnіń konteksten julynyp alynǵanyn aıtyp, kópshіlіkten keshіrіm suraǵan edі.