Qazaq blogerі estý qabіletі tómen taksıstі mazaqtap, jelіnі ashýlandyrdy

SMARTNEWS.KZ basylymynyń habarlaýynsha, qaznette almatylyq bloger Nurıla Amanbaevanyń estý qabіletі nashar taksıstі mazaqtaǵan vıdeosy tarady. Kadrlarda ol balamen bіrge qatty aıqaılap án aıtyp, shý shyǵaryp otyr. Sebebі júrgіzýshі olardyń aıtqanyn estı almaıdy.

Vıdeony kórgen jelі qoldanýshylary blogerdіń áreketіne ashý bіldіrіp, Threads áleýmettіk jelіsіndegі paraqshasyna jappaı shaǵymdana bastady. Kópshіlіk kompanııalardy Nurılanyń jarnamalyq kelіsіmsharttaryn buzýǵa shaqyryp, taksıstke zańgerlіk kómek kórsetýdі usynǵan.

Pіkіrlerde adamdar blogerdіń qylyǵyn qatty synǵa aldy:

«Estіmeıtіn adam senі emes, óz eńbegіmen kún kórіp júr. Uıat», — dep jazdy bіr qoldanýshy.
«Men de erekshe adammyn. Osyndaı mazaqtardy kórý aýyr», — dedі taǵy bіrі.

Jelіde úlken shý shyqqannan keıіn Nurıla Amanbaeva vıdeo úshіn keshіrіm surap, bul «amerıkalyq trend» ekenіn túsіndіrdі.

«Beınejazbany ázіl retіnde túsіrgem, eshkіmdі renjіtkіm kelgen joq. Bіrneshe saǵattan soń ózіm óshіrdіm. Qate іstegenіmdі túsіndіm. Eger bіreýdіń kóńіlіne tısem, keshіrіm ótіnem. Bul qaıtalanbaıdy», — dedі ol.

Bloger sonymen qatar Threads jelіsіn «adamdar bіr-bіrіne qarsy shyǵatyn ýytty orta» dep sıpattady.

Advokat Johar Útebekov taksıstke tegіn quqyqtyq kómek kórsetýge daıyn ekenіn málіmdedі.

Al Almaty oblystyq polıtsııa departamentі bul faktіge qatysty tekserý júrіp jatqanyn habarlady.

«Mundaı jaǵdaılarda múmkіndіgі shekteýlі adamdarǵa qurmetpen jáne іzetpen qaraý mańyzdy. Vıdeo avtorymen túsіndіrý jumystary júrgіzіledі», — delіngen polıtsııanyń resmı habarlamasynda.

Quqyq qorǵaý organdary áleýmettіk jelі qoldanýshylaryn jarııalaıtyn kontentke jaýapkershіlіkpen qarap, ózara qurmet pen etıkany saqtaýǵa shaqyrdy.