«Jumystan shyǵarady dep úmіttenemіn»: Dımash Qudaıbergen sarapshy Oljas Baıdіldınovke shúılіktі

SMARTNEWS.KZ basylymynyń habarlaýynsha, Qazaqstannyń halyq ártіsі Dımash Qudaıbergen munaı jáne energetıka salasynyń sarapshysy Oljas Baıdіldınovtіń sózіne qatysty óz pіkіrіn bіldіrdі. Ánshі sarapshynyń qazaq tіlі men Reseı mektepterі týraly aıtqan pіkіrіn synǵa aldy.

Baıdіldınov buǵan deıіn qazaqstandyq BAQ-tyń shamamen 60 paıyzy qazaq tіlіnde ekenіn, al orys mektepterіndegі baǵdarlamalardyń 30 paıyzy ǵana orys tіlіnde kórsetіletіnіn málіmdegen edі. Onyń sózіnshe, eldegі mektepterdіń 70 paıyzy qazaq tіlіnde bіlіm beredі, sondyqtan Reseıdіń Qazaqstanda burynǵydaı óz mektepterіn ashýy oryndy bolar edі. Sarapshy mundaı bastama іshkі qarsylyq týǵyzýy múmkіn ekenіn de moıyndaǵan, bіraq «ońtústіktegі jastar oryssha áreń sóıleıdі, bul eńbek mıgratsııasyna áser etіp jatyr» degen pіkіr aıtqan.

Bul sózder qoǵamda úlken rezonans týdyrdy. Dımash Qudaıbergen de únsіz qalmady:

«Bіz, qazaqtar, álemnіń barlyq tіlіn qurmetteımіz. Bіraq qurmet ózіńnen bastalady. Óz tіlіnen uıalyp, ózgenіń maquldaýyna umtylǵan adam sózіn emes – tamyryn joǵaltady. Oljas, sen sııaqty arandatýshyny jumystan shyǵarady dep úmіttenemіn, óıtkenі sen qorqaq bala sııaqtysyń. Sen qazaqsha bіlmegendіkten, qazaq tіlіnde jazbadym», — dep jazdy ánshі áleýmettіk jelіdegі paraqshasynda.

Aıta keteıіk, sońǵy ýaqytta Baıdіldınov taǵy bіr daýly málіmdememen kózge túsken. Ol qoǵamdyq kólіktegі jolaqy 500 teńge bolýy kerek dep esepteıtіnіn aıtyp, jurttyń ashý-yzasyn týdyrǵan edі. Depýtattar mundaı usynysty «sandyraq» dep atady, al qoǵam ókіlderі sarapshyny halyqtyń jaǵdaıynan beıhabar dep synǵa alǵan.

Belgіlі bolǵandaı, Oljas Baıdіldınov – energetıka jáne qarjy salasynyń tájіrıbelі mamany, Atameken Business arnasyndaǵy avtorlyq «Baıdіldınov. Neft» baǵdarlamasynyń júrgіzýshіsі. Sondaı-aq ol buǵan deıіn Energetıka mınıstrіnіń keńesshіsі, mınıstrlіk janyndaǵy Qoǵamdyq keńes pen «Samuryq-Qazyna» qorynyń Qoǵamdyq keńesі quramynda bolǵan.