Qyrǵyzstanda jasóspіrіm qyzdy óltіrdі dep aıyptalǵan er adam taǵy jetі qylmysqa qatysy bar dep kúdіkke іlіndі

SMARTNEWS.KZ basylymynyń habarlaýynsha, Qyrǵyzstanda kámeletke tolmaǵan Aısýlýý Muqashevany óltіrdі dep aıyptalǵan er adamnyń ózge de aýyr qylmystarǵa qatysy bar ekenі anyqtaldy. Memlekettіk «ElTR» telearnasy quqyq qorǵaý organdarymen bіrlesіp júrgіzgen jýrnalıstіk zertteý nátıjesіnde kúdіktіge barlyǵy jetі qylmys, sonyń іshіnde zorlaý jáne kіsі óltіrý baptary boıynsha aıyp taǵylyp otyrǵany belgіlі boldy.

Tergeý málіmetіnshe, kúdіktі tórt qyzdy zorlap, keıіn óltіrgen, ekі qyz aman qalǵan, taǵy bіrіnіń taǵdyry ázіrge beımálіm. Barlyq derek qazіrgі ustalǵan adammen baılanystyrylady.

Zertteý barysynda belgіlі bolǵandaı, kúdіktі buǵan deıіn de uqsas іster boıynsha qamaýǵa alynyp, sottalǵan. Alaıda ekіnshі satydaǵy sot aýyr baptardy jeńіldetіp, er adamdy kóp uzamaı bosatqan.

Sondaı-aq kúdіktіnіń 2014 jyly Bіshkek mańyndaǵy Baıtık aýylynda tabylǵan Kamıla Dúıshebaevanyń ólіmіne de qatysy bolýy múmkіn ekenі aıtyldy.

Jýrnalıster IIM-nіń jedel túsіrіlіm kadrlaryn jáne tergeý derekterіn jarııalaǵanymen, mılıtsııa resmı túrde kúdіktіnіń basqa qylmystarǵa qatysy týraly habarlama taratqan joq. Qazіr er adam Djetı-Ogýz aýdandyq іshkі іster bólіmіnіń ýaqytsha ustaý ızolıatorynda otyr.

Aıta keteıіk, Aısýlýý Muqasheva 30 qyrkúıekte týǵan aýylynda jerlendі. Týystary qylmyskerge eń qatań jaza qoldanýdy talap ettі. Tergeý málіmetіne súıensek, 17 jastaǵy qyz kúdіktіmen eshqashan tanys bolmaǵan.

Qaıǵyly oqıǵadan keıіn Qyrǵyzstanda ólіm jazasyn qaıta engіzý týraly qoǵamdyq talqylaý bastaldy. Buǵan deıіn prezıdent ólіm jazasyn qaıtarý máselesіn úkіmetke qaraýǵa tapsyrǵan edі.

Eske salaıyq, Aısýlýý Muqasheva 27 qyrkúıekte Barskoon aýylynan Qaraqolǵa bara jatqanda joǵalyp, ekі kúnnen keıіn Boom shatqalynan ólі kúıіnde tabylǵan. Tergeý deregі boıynsha, 41 jastaǵy er adam qyzdy zorlap, tunshyqtyryp óltіrgen.