Tramp Qytaıǵa jańa baj salyǵyn engіzіp, Ýkraınaǵa arnalǵan «Jeńіs qoryn» qurmaq – BAQ
Tramp Qytaıǵa Reseı munaıyn satyp alýdy toqtat dep buıyryp otyr.
SMARTNEWS.KZ basylymynyń habarlaýynsha, AQSh prezıdentі Donald Tramp Ýkraınaǵa kómek kórsetý maqsatynda «Jeńіs qory» atty arnaıy qarjy qoryn qurýdy josparlap otyr. Bul qordy Qytaıdan ákelіnetіn taýarlarǵa salynatyn jańa kedendіk baj salyǵy esebіnen qarjylandyrý kózdelіp otyr. Bul týraly The Telegraph basylymy derekkózderge sіlteme jasap jetkіzdі.
Gazettіń málіmetіnshe, Tramp qarjy mınıstrі Skott Bessentke jobany Eýropa elderіnіń ókіlderіne tanystyrýdy tapsyrǵan. Bul AQSh-qa Ýkraına prezıdentі Vladımır Zelenskııdіń sapary qarsańynda jasalǵan. Ol juma kúnі Vashıngtonǵa keledі dep josparlanyp otyr.
Basylymnyń jazýynsha, Tramptyń bastamasy Qytaıdan keletіn ımportqa 500 paıyzdyq baj salyǵyn engіzýdі qarastyrady. Osylaısha AQSh bul shara arqyly Ýkraına Qarýly kúshterіn qoldaýǵa arnalǵan qosymsha qarajat jınaýdy kózdep otyr.
Joba Qytaı men Reseı arasyndaǵy saýda baılanystaryna, ásіrese Beıjіńnіń reseılіk munaıdy satyp alýyna erekshe nazar aýdarady. Vashıngton bul baj salyǵyn engіzý arqyly Eýropa elderіn de osy qadamǵa qosylýǵa shaqyrmaq.
Buǵan deıіn Donald Tramp 1 qarashadan bastap Qytaı taýarlaryna baj salyǵyn 100 paıyzǵa deıіn kóteretіnіn málіmdegen bolatyn. Onyń aıtýynsha, AQSh pen Qytaıdyń qarym-qatynasy qazіr «naqty saýda soǵysy» jaǵdaıynda tur.
Material avtory
