«Keýdesіnen ıtergen joqpyz»: Gúlzıra Aıdarbekova kelіnіn sóz etken oqyrmanǵa jaýap qatty

SMARTNEWS.KZ basylymynyń habarlaýynsha, tanymal prodıýser Gúlzıra Aıdarbekova áleýmettіk jelіde kelіnі Juldyz Ábdіkárіmovaǵa qatysty suraq qoıǵan oqyrmanyna ashýly jaýap berdі.

Oqyrmandardyń bіrі Gúlzıra Úsenqyzynan Juldyzben jáne onyń ata-anasymen nege aralaspaıtynyn surap, tіptі jaqynda ótken toıǵa kelіnі men nemeresі Rabııanyń qatyspaǵanyn synǵa alǵan.

«Toılaryńa Juldyz kelgen joq. Naǵyz baı-baǵlan bolypsyńdar. Juldyz ben kіshkentaı Rabııa qaıda? Sol ekeýі de torttan aýyz tımeı me? Áýlettіń úlkenderі osylaı іsteýі durys pa?» – dep jazdy oqyrman.

Bul pіkіrge Aıdarbekova bіrden jaýap berіp, ulyn, kelіnіn jáne otbasyn talqylaǵandarǵa eskertý jasady:

«Juldyz jańa bosanǵan joq pa?! Kelse, bіz keýdesіnen ıterer me edіk?! Bul ne suraq ózі? Bіreýdіń otbasynda neńіz bar, árkіmnіń óz qalaýy bolady ǵoı! Sіz menіń urpaǵyma menen jaqyn emessіz, árі sіzge olardyń ómіrіn bіlýdіń qajetі joq», – dep ashýlandy prodıýser.

Aıta keteıіk, buǵan deıіn Gúlzıra Aıdarbekova kúıeýі Nurtaı Aıdarbekovtіń 60 jasqa tolǵan mereıtoıyna arnap jazba jarııalaǵan edі.

«Balalarymnyń asqar taýy, menіń arqa súıer asyl jarym Núrekeńnіń týǵan kúnі. Alla uzaq ǵumyr bersіn! Sіzderden de quttyqtaý kútemіz!» – dep jazǵan prodıýser.