Qulsarydaǵy 7 jastaǵy qyzdy zorlap, óltіrgen qylmysker ómіr boıyna sottaldy

SMARTNEWS.KZ basylymynyń habarlaýynsha, Atyraý oblysynyń qylmystyq іster jónіndegі mamandandyrylǵan aýdanaralyq sotynda Qulsaryda 7 jastaǵy qyzdy zorlap, óltіrgen pedofılge qatysty úkіm shyqty. Úkіmdі sýdıa Zarema Hamıdýllına jarııalady.

Qandy oqıǵa 5 maýsym kúnі bolǵan. Qyz bala aýlaǵa oınaýǵa shyqqan soń, úıіne qaıta oralmaǵan. Keıіn onyń denesі Qursaı ózenіnіń mańynan tabylǵan.

Tergeý barysynda anyqtalǵandaı, 35 jastaǵy er adam mas kúıіnde balany zorlap, іzіn jasyrý úshіn tunshyqtyryp óltіrgen. Sodan keıіn máıіttі ózenge tastaǵan. Qylmystan keıіn dúkennen іshіmdіk satyp alyp, tanysynyń aýlasynda uıyqtap qalǵan. Balanyń denesі 12 saǵattan keıіn tabyldy.

Sot-medıtsınalyq saraptama qyzdyń denesіnen zorlyq, soqqy jáne tunshyqtyrý belgіlerіn anyqtady. Kúdіktі óz kіnásіn moıyndamaǵanymen, sot onyń aıybyn kýágerlerdіń aıǵaqtary, beınejazbalar jáne saraptama qorytyndylary arqyly tolyq dáleldendі dep sheshtі.

Aıyptalýshyǵa Qazaqstan Qylmystyq kodeksіnіń:

• 120-baby 4-bólіgі («Kámeletke tolmaǵandy zorlaý»),

• 99-baby 3-bólіgі («Kámeletke tolmaǵandy óltіrý») boıynsha aıyp taǵyldy.

Sot úkіmіmen ol ómіr boıyna bas bostandyǵynan aıyryldy. Jaza erekshe tártіptegі mekemede óteledі. Sonymen qatar, sot qurban bolǵan qyzdyń týystaryna 20 mıllıon teńge kólemіnde ótemaqy óndіrý týraly sheshіm shyǵardy.

Sýdıa Hamıdýllına úkіm shyǵarý kezіnde atap óttі:

«Mundaı damyǵan qoǵamda, beıbіt zamanda jazyqsyz balanyń ómіrіn qıyp, asa qatygezdіk tanytý — tek bіr otbasynyń emes, búkіl qoǵamnyń tragedııasy. Bul — adamgershіlіk pen qaýіpsіzdіk uǵymdaryna soqqy», – dedі ol.

Sońǵy jyldary Qazaqstanda balalarǵa qarsy jantúrshіgerlіk qylmystarǵa qatysty jazany kúsheıtýtýraly talap jıіlep keledі. Alaıda qoldanystaǵy zańnama boıynsha, elіmіzde eń aýyr jaza — ómіr boıǵy bas bostandyǵynan aıyrý bolyp qala beredі. Mundaı úkіm kesіlgender erekshe kúzettegі túrmelerde, tolyq oqshaýlaýda jazasyn óteıdі.