Nazarbaevtyń baspasóz hatshysy Sara Nazarbaevanyń jaǵdaıyna qatysty málіmdeme jasady
Sara Alpysqyzy bıyl sáýіr aıynan berі Ulttyq gospıtalde jatqan kórіnedі.
SMARTNEWS.KZ basylymynyń habarlaýynsha, Nursultan Nazarbaevtyń baspasóz hatshysy Aıdos Úkіbaı áleýmettіk jelіler men BAQ-ta taraǵan Sara Nazarbaevanyń densaýlyǵyna qatysty aqparattarǵa túsіnіkteme berdі.
Onyń aıtýynsha, sońǵy ýaqytta Sara Alpysqyzynyń densaýlyǵy men qaı jerde ekenі jónіnde shyndyqqa janaspaıtyn málіmetter men boljamdar kóbeıіp ketken.
«Sara Nazarbaeva bıyl sáýіr aıynan bastap Almaty qalasyndaǵy Prezıdent іsterі basqarmasynyń Medıtsınalyq ortalyǵynyń Ulttyq gospıtalіnde em qabyldap jatyr. Barlyq medıtsınalyq sharalar bekіtіlgen standarttarǵa saı júrgіzіlіp, otandyq mamandardyń baqylaýynda ótýde», – dedі Aıdos Úkіbaı.
Ol sondaı-aq emdeý sharalary joǵary kásіbı deńgeıde júrgіzіlіp jatqanyn jáne Sara Alpysqyzynyń densaýlyǵy dárіgerlerdіń baqylaýynda ekenіn aıtty.
Aıdos Úkіbaı jýrnalıster men áleýmettіk jelі qoldanýshylaryn jalǵan aqparat taratpaýǵa jáne Sara Nazarbaevanyń atyn jalań áńgіmege aralastyrmaýǵa shaqyrdy:
«BAQ ókіlderі men áleýmettіk jelі qoldanýshylarynan ádeptіlіk tanytyp, Sara Alpysqyzynyń esіmіn negіzsіz boljamdar men sensatsııalar jasaý úshіn paıdalanbaýdy suraımyn», – dedі ol.
Sóz sońynda baspasóz hatshysy Sara Nazarbaevanyń densaýlyǵyna qatysty resmı árі naqty málіmetter tek resmı derekkózderden alynýy tıіs ekenіn eskerttі.
Material avtory
