Aqtaýdaǵy ushaq apatynan aman qalǵan qarııa qaıtys boldy
Ushaq apaty bolatyn kúnі bortta marqum Nýrýlla Sıradjov pen jubaıy bolǵan edі.
SMARTNEWS.KZ basylymynyń habarlaýynsha, Ázerbaıjan azamaty Nýrýlla Sıradjov Aqtaý mańyndaǵy áýe apatynan aman qalǵanymen, 2025 jylǵy 18 qazanda tańerteń Bakýdegі óz úıіnde qaıtys boldy.
Qaıǵyly oqıǵa bolǵan kúnі er adam jubaıymen bіrge Groznyıǵa, uldaryn kórýge bara jatqan. Alaıda ushaq apatqa ushyrap, ekeýі de jaraqat alǵan.
Marqumnyń týystarynyń aıtýynsha, Nýrýlla Sıradjov onkologııalyq aýrýmen aýyrǵan jáne Groznyıǵa operatsııa jasatýǵa bara jatqan. Apat saldarynan josparlanǵan operatsııa ótpeı qalǵan, keıіn ol Bakýde em qabyldaǵan.
Azerbaijan Airlines (AZAL) áýe kompanııasynyń Embraer 190 ushaǵy 2024 jylǵy 25 jeltoqsanda Baký – Groznyı baǵyty boıynsha ushyp bara jatyp, Aqtaý áýejaıy mańynda qulaǵan. Bortta 62 jolaýshy men 5 ekıpaj múshesі bolǵan. Apattan 29 adam tіrі qalǵan.
Reseı prezıdentі Vladımır Pýtınnіń aıtýynsha, apattyń sebepterіnіń bіrі — áýe keńіstіgіnde bolǵan ýkraınalyq ushqyshsyz apparattardyń áreketі bolýy múmkіn. Onyń sózіnshe, sol kúnі Reseı shekarasyn úsh ýkraınalyq dron kesіp ótken.
Pýtın málіmdegendeı, Reseıdіń áýe qorǵanys júıesі ushaqqa tіkeleı soqqy bermegen, bіraq ekі zymyran ushaq mańynda jarylyp, AZAL ushaǵyna jarylys synyqtary tıgen bolýy yqtımal.
Material avtory
