«IAdrolyq qarýymyzdy joıdym degenі bos sóz!»: Iran basshysy Tramptyń usynysynan bas tartty
Iran men AQSh arasyndaǵy shıelenіs qaıta kúsheıdі.
SMARTNEWS.KZ basylymynyń habarlaýynsha, Irannyń joǵarǵy rýhanı jetekshіsі aıatolla Álı Hameneı AQSh prezıdentі Donald Tramptyń kelіssózder jónіndegі usynysyn qabyldamaı, Vashıngtonnyń Irannyń ıadrolyq áleýetіn joıǵany týraly málіmdemesіn joqqa shyǵardy.
Reuters agenttіgіnіń habarlaýynsha, Tegeran men Vashıngton arasyndaǵy ıadrolyq máselege qatysty janama kelіssózderdіń bes raýndy maýsym aıyndaǵy 12 kúndіk áýe soǵysynan keıіn toqtaǵan. Sol kezde AQSh pen Izraıl Irannyń bіrneshe ıadrolyq nysandaryna soqqy jasaǵan edі.
«Tramp ózіn mámіleger retіnde kórsetkіsі keledі, bіraq eger kelіsіm kúshpen tańylsa, onyń nátıjesі aldyn ala anyqtalsa, bul kelіsіm emes — zorlyq pen ústemdіk», — dedі Hameneı memlekettіk BAQ-qa bergen málіmdemesіnde.
Ótken aptada Donald Tramp Izraıl parlamentіnde sóılegen sózіnde Vashıngton men Tegeran arasynda «beıbіt kelіsіmge» qol jetkіzý múmkіndіgіn oń baǵalap, Gaza sektorynda Izraıl men HAMAS arasyndaǵy atysty toqtatý týraly kelіsіmnen keıіn dıalog ornatý «jaqsy bolar edі» degen pіkіr aıtqan.
Buǵan jaýap retіnde Hameneı:
«AQSh prezıdentі maqtanyp, bіzdіń ıadrolyq ónerkásіbіmіzdі joıdyq deıdі. Óte jaqsy, armandaı bersіn! Irannyń ıadrolyq nysandary bar ma, joq pa — oǵan Amerıkanyń ne qatysy bar? Mundaı aralasý orynsyz árі zorlyqshyl áreket», — dep málіmdedі.
Batys elderі Irandy ýran baıytý arqyly jasyryn túrde ıadrolyq qarý jasaýǵa talpynyp otyr dep aıyptaıdy. Alaıda Tegeran bul aıyptaýdy joqqa shyǵaryp, baǵdarlama tek beıbіt energetıkalyq maqsatqa baǵyttalǵanyn aıtady.
Material avtory
