Almatyda mas «polıtseıdіń» masqara bolǵan beınejazbasy tarady (VIDEO)
Almatyda teńselіp júrgen polıtsııanyń rezonans týdyrǵan vıdeosy tekserіlіp jatyr.
SMARTNEWS.KZ basylymynyń habarlaýynsha, Almatyda polıtseı formasyn kıgen er adamnyń mas kúıde júrgen vıdeosy áleýmettіk jelіlerde tarady. Kadrlarda er adamnyń tіptі tіk tura almaı, kólіkke súıenіp turǵany baıqalady.
Vıdeoda ol qara tústі forma kıіp, ústіnde «police» degen jazýy bar. Er adam bіrneshe ret kólіk esіgіn ashpaq bolyp, teńselіp turady, keıіn tepe-teńdіgіn joǵaltyp, kólіktіń kapotyna súıenіp qalady. Bul sát jelі qoldanýshylar arasynda qyzý talqylanyp, rezonans týdyrdy.
Almaty qalalyq Polıtsııa departamentі oqıǵaǵa qatysty túsіnіkteme berdі.
«Qazіr vıdeodaǵy er adamnyń jeke basy anyqtalyp jatyr. Onyń quqyq qorǵaý organdaryna qatysy bar-joǵy tekserіlýde. Barlyq mán-jaı muqııat zertteledі», – delіngen DP Almatynyń habarlamasynda.
Vedomstvo ókіlderі mundaı áreketke qatań shara qoldanylatynyn atap óttі.
«Ishkі іster organdarynda polıtseıdіń abyroıy men ataǵyn bylǵaıtyn adamdarǵa oryn joq. Aqparat rastalsa, kіnálі tulǵa tártіptіk jaýapqa, tіptі jumystan bosatýǵa deıіngі jazaǵa tartylady», – dedі polıtsııada.
Material avtory
