«Taǵy іshіmdіk bermegen soń aıqaı shyǵardy»: Ushaqta mas áıel bortserіkterdі urǵan
Jolaýshy áıel tіptі ushaqty kerі burǵyzbaq bolǵan.
SMARTNEWS.KZ basylymynyń habarlaýynsha, Astana – Novosіbіr baǵytyndaǵy ushaqta Qazaqstan azamaty qatysqan janjal oryn aldy. Oqıǵa kezіnde áıel adam ekıpaj múshelerіne tіl tıgіzіp, ushaqta shý shyǵarǵan.
Kýágerlerdіń aıtýynsha, jolaýshy óz-ózіn ustaı almaı, bortbıkelerge qol kótergen.
«Áıel aıǵaılap, boqtyq sóz aıtyp, ushaqty kerі burǵyzbaq boldy», – dep habarlaǵan oqıǵa kýágerі Tengri Travel-ge.
Qazaq Air baspasóz qyzmetі málіmetіnshe, oqıǵa 20 qazanda bolǵan.
«Astana – Novosіbіr reısі kezіnde ekıpaj múshelerі mas kúıdegі jolaýshyǵa qosymsha alkogol berýden bas tartqan soń, ol bortserіkterge shabýyl jasaǵan. Áýe kemesі qonǵan sátte Novosіbіr áýejaıynda áıeldі polıtsııa qyzmetkerlerі kútіp turdy», – delіngen habarlamada.
Kompanııa mundaı áreketter úshіn zańda qatań jaýapkershіlіk qarastyrylǵanyn eskerttі.
«Borttaǵy tártіptі buzǵan jáne qaýіp tóndіrgen tulǵalar áýe kompanııasynyń «qara tіzіmіne» engіzіledі. Ekıpajǵa shabýyl jasaý nemese ushý qaýіpsіzdіgіne qater tóndіrý áreketterі úshіn ákіmshіlіk nemese qylmystyq jaza qarastyrylǵan, tіptі bas bostandyǵyn shekteýge deıіn», – dep málіmdedі Qazaq Air.
Kólіk polıtsııasynyń deregіnshe, 27 jastaǵy Qazaqstan azamatyna qatysty «usaq buzaqylyq» jáne «densaýlyqqa qasaqana zııan keltіrý» deregі boıynsha qylmystyq іs qozǵalǵan.
«Áıel reıs kezіnde qoǵamdyq tártіptі buzyp, bortserіkke dene jaraqatyn salǵan. Qazіr sotqa deıіngі tergeý júrіp jatyr», – dep habarlady vedomstvo.
Material avtory
