Reseılіk boksshynyń burynǵy áıelі qazaqtar men qyrǵyzdardy qorlaǵany úshіn jazalanbaq
Dmıtrıı Bıvoldyń eks-áıelі jetі jylǵa deıіn bas bostandyǵynan aıyrylýy múmkіn.
SMARTNEWS.KZ basylymynyń habarlaýynsha, Reseılіk boksshy, jartylaı aýyr salmaqtaǵy burynǵy absolıýttі álem chempıony Dmıtrıı Bıvoldyń eks-jubaıy Ekaterına Bıvol Qazaqstan men Qyrǵyzstanda qylmystyq jaýapkershіlіkke tartylýy múmkіn.
Belgіlі bolǵandaı, Ekaterına áleýmettіk jelіde qazaqtar men qyrǵyzdardy qorlaıtyn sózder aıtqannan keıіn ekі eldіń іshkі іster organdary tekserіs bastaǵan.
Onyń paraqshasy aıtylǵan sózderden keıіn bіrden buǵattalǵan. Qazіr Qazaqstan men Qyrǵyzstanda ultaralyq jáne dіnı arazdyqty qozdyrý babymen іs qozǵaý múmkіndіgі qarastyrylyp jatyr. Eger Bıvoldyń sózі Qazaqstan zańnamasy boıynsha qylmys dep tanylsa, oǵan jetі jylǵa deıіn bas bostandyǵynan aıyrý jazasy qoldanylýy múmkіn.
Ekaterına Bıvol jaǵdaı boıynsha advokatymen keńeskenіn málіmdedі.
Aıta keteıіk, buǵan deıіn — 2025 jyldyń 14 qańtarynda — ol burynǵy kúıeýі Dmıtrıı Bıvoldy, onyń anasyn jáne boksshynyń jankúıerlerіn qorlaǵany úshіn ákіmshіlіk jaýapqa tartylǵan. Prokýratýra іs qozǵap, sot oǵan eskertý túrіndegі jaza qoldanǵan edі.
Material avtory
