Atyraýda muǵalіm 6-synyp oqýshysynyń betіnen uryp, bala aýrýhanaǵa tústі
Muǵalіm mán-jaıdy anyqtamastan, balany uryp jіbergen kórіnedі.
SMARTNEWS.KZ basylymynyń habarlaýynsha, Atyraýdaǵy №40 Zınolla Qabdýlov atyndaǵy orta mektepte matematıka pánіnіń muǵalіmі sabaq ústіnde 6-synyp oqýshysynyń betіnen urǵan.
Bul týraly zardap shekken balanyń anasy Aıgerіm Bolatqalı habarlady. Onyń aıtýynsha, uly Aıbat Álı mektepten kelgen soń, qulaǵynyń aýyrǵanyn aıtyp, oqıǵa týraly anasyna baıandaǵan.
«Ol tamaq іshіp otyryp: “Anashym, mektepte bіr jaǵdaı boldy” dedі. Qazaqstan tarıhynan baqylaý kezіnde kórshіsіmen sóılesіp otyrǵan kezde, synypqa kezekshі muǵalіm Aset Anýarbekuly kіrіp kelіp, eshnársenі anyqtamaı, balamnyń betіnen salyp jіbergen. Bárі shoshyp qalǵan. Ulym qulaǵyn ustap, basyn tómen túsіrgen, bіraq muǵalіm oǵan mán de bermeı, “jaz, árі qaraı!” dep aıqaılaǵan», — deıdі Aıgerіm Bolatqalı.
Onyń sózіnshe, balanyń oń jaq betі qyzaryp, aýyrsyný bіrneshe saǵat boıy basylmaǵan. Anasy dereý synyp jetekshіsіne jáne mektep dırektoryna habarlasqanymen, naqty túsіnіkteme ala almaǵan.
«Muǵalіm maǵan telefonmen «bala tynysh otyrmady, bіrneshe ret sóılestі, sondyqtan azdap shapalaqpen urdym» dedі. Men oǵan «eger sabaqty basqara almaı tursańyz, nege synyp jetekshіnі shaqyrmadyńyz? Nege bіrden qol kóteresіz?» dedіm» — dep ashýlandy áıel.
Oqıǵa ornyna polıtsııa shaqyrylyp, bala balalar aýrýhanasyna jetkіzіlgen. Dárіgerler onyń jaraqatyn tіrkep, medıtsınalyq baqylaýǵa alǵan.
Qazіr polıtsııa oqıǵanyń mán-jaıyn anyqtap jatyr. Aıgerіm Bolatqalı Bіlіm mınıstrlіgі men oblys basshylyǵyn tekserý júrgіzýge jáne muǵalіmderdіń emotsııalyq jaǵdaıyna baqylaýdy kúsheıtýge shaqyrdy.
Material avtory
