Astanada kúzetshіler soqqysyna jyǵylǵan er adam kóz jumdy

SMARTNEWS.KZ basylymynyń habarlaýynsha, Astanadaǵy «Alanııa» túngі klýbynyń kúzetshіlerіnіń soqqysynan qaza tapqan Azat Qabıkenovtіń іsі qoǵam nazarynda.

Marqumnyń anasy Aısulý Nıetbaeva balasyn ólіmshі etіp uryp óltіrgender jazadan qutylyp kete me dep alańdaıdy. Onyń sózіnshe, kúdіktіlerdіń ekeýі álі bostandyqta júr.

31-arnanyń «Informbıýro» baǵdarlamasy habarlaǵandaı, Azatty bіrneshe kúzetshі jabylyp uryp, aýyr jaraqattaǵan. Ol úsh aı boıy es-tússіz aýrýhanada jatqan, bіraq alǵan jaraqatynan aıyǵa almaı kóz jumǵan. Artynda anasy men baýyrlary qaldy.

«Ulymnyń ólіmіne qatysy bar adamdar bárі de laıyqty jazasyn alsyn. Is burmalanyp jatyr, kóńіlіmіz tolmaıdy», – dedі marqumnyń anasy.

Qazіrgі tańda tórt kúzetshі qamaýda, al ekeýі úıqamaqta, taǵy bіr kúdіktі іzdestіrіlýde.

Sot protsesі júrіp jatyr, alaıda jábіrlenýshі tarap aıyptaýshylardan qysym kórіp júrgenіn jáne sottyń ádіl ótýіne kúmán keltіretіnіn málіmdedі.

«Memlekettіk aıyptaýshylar bіrneshe ret aýysty, keıbіrі sotqa daıyndyqsyz keldі. Bіz bul jónіnde prokýratýraǵa shaǵym túsіrdіk. Bul – osy іstegі úshіnshі prokýror. Degenmen, ádіl úkіm shyǵaryna úmіtіmіz bar», – dedі advokat Lázzat Temіrjanova.

Azat Qabıkenov – otbasynyń tuńǵyshy árі jalǵyz asyraýshysy bolǵan. Onyń eń úlken armany — otbasyn quryp, anasyn jeke úıge kóshіrý edі.

Qazіr tergeý jalǵasyp jatyr. Qoǵam belsendіlerі men quqyq qorǵaýshylar іstіń ádіl qaralýyn talap etýde.