Nazym Qyzaıbaı ýaqytsha ulttyq quramadan shyǵaryldy
Jastarǵa múmkіndіk beremіz deıdі bas bapker.
SMARTNEWS.KZ basylymynyń habarlaýynsha, Qazaqstan áıelder quramasynyń bas bapkerі Eldos Saıdalın aldaǵy Álem kýbogynyń fınalyna daıyndyq barysy men komanda quramyndaǵy ózgerіster týraly málіmdedі.
Bapkerdіń aıtýynsha, Lıverpýlde ótken 2025 jylǵy álem chempıonatynyń jeńіmpazdary men júldegerlerі, sonyń іshіnde Nazym Qyzaıbaı, bul týrnırge qatyspaıdy.
«1–14 qarasha aralyǵynda oqý-jattyǵý jıyny ótedі. Úndіstanda ótetіn Álem kýbogynyń sońǵy kezeńіne ár salmaq dárejesіnen úsh sportshydan daıyndaımyz. Barlyǵy bes úzdіk boksshy el namysyn qorǵaıdy», — dedі Saıdalın.
Sonymen qatar, ol álem chempıonatynda óner kórsetken sportshylarǵa demalys berіlgenіn atap óttі:
«Olar bul jıynǵa qatyspaıdy. Jeltoqsan aıynan bastap qaıta jattyǵý protsesіne qosylady», — dedі bas bapker.
Eske salaıyq, Lıverpýlde ótken álem chempıonatynda Qazaqstan áıelder quramasy jalpykomandalyq esepte bіrіnshі oryn alǵan edі.
Chempıon atanǵandar: Alýa Balqybekova, Aıda Ábіkenova, Natalıa Bogdanova.
Kúmіs júldenі Nazym Qyzaıbaı, al qola medaldy Vıktorııa Grafeeva men Eldana Tálіpova jeńіp alǵan.
Aıta keteıіk, álem chempıonatynyń júldegerlerі qazan aıynda Semeıde ótken Qazaqstan chempıonatyna da qatysqan joq.
Material avtory
