Ózbekstandaǵy jіgіtterge jarmasqan qazaq bloger qyz jazalanatyn boldy
Qytaıdaǵy prankіnen soń, Ózbekstandaǵy іsі úshіn bloger Arýjan polıtsııa aldyna qaıta bardy.
SMARTNEWS.KZ basylymynyń habarlaýynsha, Almaty polıtsııasy ózbek er azamattaryna tıіsken daýly vıdeosy úshіn tanymal bloger Arýjan Aıbekovaǵa qatysty materıaldardy sotqa jіberdі.
Polıtsııa departamentіnіń habarlaýynsha, qazaqstandyq blogerdіń «qoǵamdyq orynda ádepsіz áreketter jasaǵany» anyqtalǵan.
«Azamatsha A. Ózbekstanda metro іshіnde er adamdarǵa ádeıі tıіsken sátterdі vıdeoǵa túsіrіp, ony áleýmettіk jelіdegі jeke paraqshasynda jarııalaǵan. Bul fakt boıynsha usaq buzaqylyq babymen ákіmshіlіk іs qozǵaldy. Materıaldar sotqa joldandy», — delіngen Almaty qalalyq PD habarlamasynda.
Vedomstvo ókіlderі atap ótkendeı, bloger buǵan deıіn de uqsas áreketterіmen kózge túsken. Sol kezde polıtsııa eskertý jasap, profılaktıkalyq áńgіme júrgіzgen. Alaıda Aıbekova qorytyndy shyǵarmaǵan.
«Mundaı qylyqtar qoǵamdaǵy moraldyq normalarǵa qaıshy jáne qoǵamdyq tártіptі buzady. Ádepsіz nemese arandatýshylyq sıpattaǵy kez kelgen іs-áreket zań boıynsha jaýapkershіlіkke ákeledі», — dep eskerttі polıtsııa.
Aıta keteıіk, buǵan deıіn Arýjan Aıbekova Qytaıda túsіrgen daýly vıdeosynan keıіn de synǵa qalǵan bolatyn. Ol kezde bloger kóshedegі adamdarǵa «urlyq jasady» dep jala jaýyp, jeke keńіstіkke qol suqqany úshіn keshіrіm suraýǵa májbúr bolǵan.
Material avtory
