Qyz alyp qashý prankyn jasaǵan atyraýlyqtarǵa sot úkіm shyǵardy
Atyraýda qyzdy kúshtep kólіkke otyrǵyzý kórіnіsіn túsіrgen prankerler sottaldy.
SMARTNEWS.KZ basylymynyń habarlaýynsha, qaladaǵy ákіmshіlіk quqyq buzýshylyqtar jónіndegі mamandandyrylǵan sotta J., Ǵ. jáne D. esіmdі úsh azamatqa qatysty іs qaraldy. Olar usaq buzaqylyq jasaǵany úshіn jaýapqa tartylǵan.
Is materıaldaryna sáıkes, 2025 jylǵy 14 qazanda saǵat 15:10 shamasynda úsh jіgіt kafe mańynda vıdeo túsіrý maqsatynda «qyzdy urlap áketý» kórіnіsіn uıymdastyrǵan. Kýágerlerdіń aıtýynsha, olar aıqaı-shýmen qyzdy kólіkke kúshtep otyrǵyzǵan.
Sot málіmetіnshe, bul áreketter qoǵamdyq tártіp pen aınaladaǵylardyń tynyshtyǵyn buzyp, qoǵamǵa qurmetsіzdіk tanytqan. Olardyń kіnásі beınejazbalar, foto jáne ózge de dáleldermen rastaldy.
QR Ákіmshіlіk quqyq buzýshylyq týraly kodekstіń 434-babynyń 1-bólіgіne saı, usaq buzaqylyq úshіn 20 AEK kólemіnde (78 640 teńge) aıyppul salý, ne 20–60 saǵat qoǵamdyq jumysqa tartý, ne 5–15 táýlіkke deıіn ákіmshіlіk qamaýǵa alý qarastyrylǵan.
Sot sheshіmі boıynsha, árqaısysyna 78 640 teńge aıyppul salyndy.
Qaýly ázіrge zańdy kúshіne engen joq.
Material avtory
