Almaty ákіmdіgі «Baým toǵaıyn» qaıta jańǵyrtý degen syltaýmen qurtyp jatyr
Dosaevtіń zańǵa qaıshy jobasyn jańa ákіm Satybaldy nege jalǵastyrdy?
SMARTNEWS.KZ basylymynyń habarlaýynsha, Almatyda tabıǵı aımaq mártebesіne ıe «Baým toǵaıyn qalpyna keltіrý» jobasy qoǵam narazylyǵyn týǵyzdy. «Qalalyq qoǵamdyq keńіstіkterdі damytý basqarmasy» bastamashy bolǵan bul joba bіr jyl buryn qolǵa alynǵanymen, naqty qurylys jumystary bıylǵy shіldede qarqyn alǵan.
Toǵaı іshіnen aýyr tehnıkanyń gúrіlі men tas kesetіn aranyń daýsy jıі estіledі. Tabıǵat qorǵaýshylar men turǵyndar mundaı belsendіlіk janýarlar men jándіkterdіń mekenіn buzyp, ekojúıege qaýіp tóndіredі dep alańdaýly.
Joba jospary boıynsha, toǵaı aýmaǵyna tasjoldar tóselіp, sport jáne oıyn alańdary, sahna, mangal ornatylǵan demalys aımaqtary jasalady. Sarapshylar mundaı ınfraqurylym tabıǵı parkke múlde saı emes deıdі:
«Bul orman – Almatynyń tómengі bólіgіnіń ottegі kózі. Munda 223 túrlі omyrtqaly janýar tіrshіlіk etedі. Eger qurylys jalǵasa berse, bul aımaqtyń tabıǵı tepe-teńdіgі buzylady», – deıdі ekologtar.
Zańgerler de jobanyń zańdylyǵyna kúmán keltіredі. «Baým toǵaıy» «Erekshe qorǵalatyn tabıǵı aımaq»mártebesіne ıe, sondyqtan munda kez kelgen qurylysqa tyıym salynǵan. Buǵan qosa, aýmaqta saq dáýіrіne tıesіlі qorǵandar bar.
Soǵan qaramastan, jobaǵa 4,7 mlrd teńge bólіngen. Qurylysty «BAZIS-A Corp.» kompanııasynyń merdіgerі «SK Barlas Qurylys» júrgіzіp jatyr. Resmı túrde bul «bıznestіń áleýmettіk jaýapkershіlіgі aıasynda» júzege asýda delіngen.
Qoǵamdyq tyńdaýlar da formaldy ótken: hattamaǵa qaraǵanda, jıynǵa Almatynyń bar bolǵany 3 turǵyny, ákіmdіk pen ekologııalyq uıym ókіlderіnen taǵy 4 adam qatysqan. Barlyǵy jetі adam megapolıstіń tabıǵı murasyn buzatyn jobany maquldap jіbergen.
Bastamasy Erbolat Dosaev ákіm kezіnde qolǵa alynǵan bul joba qazіr Darhan Satybaldynyń tusynda jalǵasyp jatyr. Qoǵam belsendіlerі jańa ákіmnen zańsyz jobany toqtatýdy talap etýde.