Beıneýdegі temіrjolshylar basshylyqtyń qysymyna shaǵymdanyp, otstavka talap ettі

SMARTNEWS.KZ basylymynyń habarlaýynsha, Mańǵystaý oblysyndaǵy Beıneý temіrjol bólіmshesіnіń qyzmetkerlerі óz basshylarynyń otstavkasyn talap ettі. Olardyń beıneúndeýі áleýmettіk jelіlerde tarady.

Jumysshylardyń aıtýynsha, bul — sońǵy ýaqyttaǵy úshіnshі ret qaıtalanǵan janjal. Qyzmetkerler 14-shі ýchaske bastyǵy Ernazar Iztýrǵanov tarapynan qorqytý men qysym kórsetý bolǵanyn málіmdedі.

«Jumys jaǵdaıy týraly jıynǵa ekі beıtanys adam keldі. Keıіn solar bіzge qoqan-loqqy jasap, áńgіmege aralasty», — deıdі beıneúndeý avtorlary.

Al «Qazaqstan temіr joly» ulttyq kompanııasy bul jaǵdaıdy turmystyq sıpattaǵy daý dep baǵalap otyr. Kompanııanyń resmı túsіndіrýіnde kelіspeýshіlіk keıbіr qyzmetkerler men bólіm basshylyǵy arasyndaǵy túsіnbeýshіlіkten týǵan delіngen.

Máselenіń anyq-qanyǵyn bіlý úshіn QTJ ortalyq apparaty men «Magıstraldyq jelі dırektsııasy» fılıalynyń mamandarynan quralǵan arnaıy jumys toby Mańǵystaý oblysyna jіberіldі.

«Tekserý qorytyndysy boıynsha eńbek zańnamasy men іshkі tártіp erejelerіne saı sharalar qabyldanady», – dep habarlady ulttyq kompanııanyń baspasóz qyzmetі.