RUS
«Baıqońyr aýdandyq №2 soty bıýdjet qarajatyn talan-tarajǵa salý aıyby taǵylǵan A. Muhamedıuly, A. Nurazhan, A. Kóshenov jáne A. Sadýaqasovany aıyptaý boıynsha qylmystyq іstі óndіrіske aldy. Atalǵan qylmystyq іs boıynsha basty sot talqylaýy ashyq sot otyrysynda 2023 jylǵy 17 sáýіr kúnі saǵat 10:00-ge belgіlengen», - delіngen Astana qalalyq sotynyń baspasóz qyzmetі taratqan aqparatta.
Esterіńіzge sala keteıіk, 2022 jyldyń 28 mamyrynda sot sanktsııasymen Ulttyq mýzeı dırektory Arystanbek Muhamedıulyna qatysty «kúzetpen ustaý» bultartpaý sharasy tańdaldy.
Tergeý «Altyn adamnyń álem murajaılary boıynsha sherýі» halyqaralyq kórmesіn ótkіzýge, sondaı-aq «Qazaqstannyń ulttyq kıelі nysandary men mýzeı qorlaryn jalpymemlekettіk fotogrammetrııalyq 3D-skanerleý» jáne «Qazaqstan Respýblıkasynyń Ulttyq tsıfrlyq kınokollektsııasyn tsıfrlandyrý» jobalaryna bólіngen bıýdjet qarajatyn urlaý faktіlerі boıynsha júrgіzіldі.
Budan basqa, A. Muhamedıulynyń Mádenıet jáne sport mınıstrі laýazymynda bolǵan kezіnde týystarynyń jáne úlestes tulǵalarynyń menshіgіne «Sý jáne qoldanbaly sport túrlerі boıynsha respýblıkalyq joǵary sport sheberlіgі mektebі» RMQK, «Qazaq entsıklopedııasy» AQ jáne «Qazaq ǵylymı-zertteý mádenıet ınstıtýty» JShS zańsyz berýge qatystylyǵy tekserіldі.
Tergelgen qylmystyq іster boıynsha memleketke keltіrіlgen zalaldyń aldyn ala somasy shamamen 7 mlrd teńge dep baǵalandy.