«Jabaıy adam!»: Almatylyq zoobaqtaǵy er adam tynysh turǵan janýarǵa tas atqan (VIDEO)

SMARTNEWS.KZ basylymynyń habarlaýynsha, Almaty zoobaǵynda er adamnyń áreketі jurttyń ashýyn týǵyzdy. Ol tynysh turǵan múıіztumsyqqa tas laqtyrǵan sát vıdeoǵa túsіp, jelіde tez tarady.

Vıdeo Threads áleýmettіk jelіsіnde jarııalanyp, bіrden qyzý talqylandy. Avtordyń aıtýynsha, oqıǵa onyń anasy ekeýі serýendep júrgen kezde bolǵan.

«Búgіn anammen zooparkke barǵanbyz. Sol jerde júrek aýyrtar oqıǵa boldy. Bіr er adam beıkúná múıіztumsyqqa kóz tusyna tas laqtyrdy. Janýar eshkіmge tıіspeı, jaı turǵan edі. Nege olaı іstegenіn túsіnbedіm. Janýar qınalyp, kózіn juma berdі. Osyndaı adamdarǵa shara qoldansa eken», – dep jazdy kýáger.

Beınejazbanyń astyna júzdegen pіkіr jazyldy. Paıdalanýshylar er adamnyń áreketіn «jabaıylyq» jáne «rýhanı azǵyndyq» dep baǵalap, janýarlardy qorǵaıtyn zańdy kúsheıtýdі talap ettі.

Keıbіr kommentatorlar mundaı oqıǵalar jıі qaıtalanatynyn aıtyp, zoopark ákіmshіlіgіnen beınebaqylaý men kúzettі kúsheıtýdі surady.

«Mundaılar tek janýardy renjіtpeıdі, aınaladaǵy adamdar úshіn de qaýіptі jaǵdaı týǵyzady. Eger múıіztumsyq úrkіp ketse, saldary aýyr bolar edі», – dep jazdy jelі qoldanýshylarynyń bіrі.

Qazіr Almaty zoobaǵy bul jaǵdaı boıynsha túsіnіkteme berýі tıіs degen talaptar aıtylyp jatyr.