Golovkın álemdіk boks uıymynyń prezıdentі bolýǵa úmіtker atandy
Golovkın bokstyń Olımpıada oıyndarynda bolýyn qamtamasyz etpekshі.
SMARTNEWS.KZ basylymynyń habarlaýynsha, Qazaqstan Ulttyq olımpıadalyq komıtetіnіń prezıdentі Gennadıı Golovkın halyqaralyq World Boxing federatsııasynyń prezıdentі qyzmetіne óz kandıdatýrasyn usyndy.
Belgіlі sportshy bul týraly áleýmettіk jelіdegі paraqshasynda jarııalap, basty maqsaty – bokstyń olımpıadalyq mártebesіn saqtaý jáne álemdіk sport qaýymdastyǵynyń senіmіn nyǵaıtý ekenіn atap óttі.
«Dostar, men mańyzdy sheshіm qabyldadym – World Boxing federatsııasynyń prezıdentі laýazymyna ózіmdі usyndym. Maqsatym – bokstyń olımpıadadaǵy ornyn saqtaý, sportshylar men jattyqtyrýshylarǵa qoldaý kórsetý, al álemdіk qaýymdastyq arasyndaǵy senіmdі kúsheıtý. Bіzdіń ortaq mіndetіmіz – Halyqaralyq olımpıada komıtetіnіń tolyq moıyndaýyna qol jetkіzý jáne bokstyń Olımpıada oıyndarynda bolýyn qamtamasyz etý. Bul Los-Andjeles-2028, Brısben-2032 jáne odan keıіngі oıyndarǵa da qatysty», – dep jazdy Golovkın.
Onyń aıtýynsha, 23 qarasha kúnі búkіlálemdіk boks úshіn sheshýshі kún bolmaq – dál sol kúnі federatsııa basshylyǵyn anyqtaıtyn daýys berý ótedі.
Buǵan deıіn Halyqaralyq boks dańq zaly (International Boxing Hall of Fame) 2026 jylǵy engіzіletіn sportshylarǵa arnalǵan daýys berý bıýlletenderіn taratqan bolatyn. Úmіtkerler tіzіmіnde Gennadıı Golovkınnіń de esіmі bar.
Material avtory
