Reseılіk ánshі Qazaqstandaǵy kontsertte «kók-sary paket» týraly sózіmen daý týdyrdy (VIDEO)
Kók-sary pakettі órtep jіberіńder degen sózі kópshіlіktіń ashýyna tıgen.
SMARTNEWS.KZ basylymynyń habarlaýynsha, áleýmettіk jelіlerde Reseı ánshіsі Akmaldyń (Akmal’) Petropavlda ótken kontsertі kezіnde aıtqan sózі qyzý talqylanyp jatyr. Ánshі kórermen usynǵan syılyqqa qatysty pіkіr bіldіrіp, kópshіlіktіń ashýyna tıdі.
Beınejazbada ónerpazǵa bіr kórermen іshіmdіk salynǵan kók-sary tústі paket bergenі kórіnedі. Sahnada Akmal sol sátte:
«Myna pakettі órtep jіberіńder, túsі unamaı tur», — deıdі.
Jelі qoldanýshylary pakettіń túsі Qazaqstan týynyń reńkterіmen sáıkes ekenіn baıqaǵan. Osydan keıіn vıdeony talqylaýshylardyń kóbі ánshіnіń sózіn ulttyq rámіzderge qurmetsіzdіk dep qabyldap, narazylyq bіldіrdі.
Pіkіrler bólіmіnde ashýly jazbalar kóbeıdі:
«IAǵnı oǵan bіzdіń týymyzdyń túsі unamaı ma? Onda nege Qazaqstanǵa kelіp kontsert qoıyp júr?», «Mundaı ádepsіz sóz aıtqan adamdy elіmіzge kіrgіzbeý kerek!», «Bul — sahnadaǵy qorlaý, óner emes!»
Sonymen qatar, jelіde ánshіnі aqtap alǵandar da tabyldy. Olar Akmaldyń sózі saıasatqa nemese el rámіzderіne qatysy joq, jaı ǵana ázіl dep túsіndіrіp jatyr:
«Pakettіń túsі ashyq bolǵany ǵana, saıasat іzdep qajetі joq», «Ol Reseı azamaty, óz elіn qoldaıtyny zańdy. Budan jaý іzdeý orynsyz».
Akmal Abdýlhalıtovıch Hodjanııazov — Reseılіk mýzykant, uıǵyr ultynan, Túrіkmenstanda týǵan. Ol «Iz-za tebıa», «Vdol dorog» jáne «Po polıýshký» ánderіmen tanymal.
Qazіr ánshі Qazaqstan boıynsha gastroldіk saparda júr. Qazan aıynda onyń Qostanaı, Óskemen jáne Pavlodarda kontsertterі josparlanǵan.
Material avtory
