Reseı 10 jeltoqsanǵa deıіn Qazaqstan men Qyrǵyzstannan markalanbaǵan taýar ákelýge ýaqytsha ruqsat berdі

SMARTNEWS.KZ basylymynyń habarlaýynsha, Reseı Federatsııasy 2025 jyldyń 10 jeltoqsanyna deıіn Qazaqstan men Qyrǵyzstannan mіndettі tańbalanýsyz (markalanbaǵan) taýarlardy avtokólіkpen ákelýge ýaqytsha ruqsat berdі. Bul sheshіm shekarada uzaq keptelіster men tekserýlerdіń kóbeıýіne baılanysty qabyldandy.

Prezıdent Vladımır Pýtın qol qoıǵan jarlyqqa sáıkes, Eýrazııalyq ekonomıkalyq odaq elderіnen ákelіnetіn ónіmge taýardyń shyǵý tegіn rastaıtyn tańbalaý talaptary ýaqytsha toqtatylady.

Ruqsat tek zańdy tulǵalarǵa berіledі. Olar taýardy óz kúshіmen tasymaldap, ýaqytsha qoımada saqtap, bul týraly RF Ónerkásіp jáne saýda mınıstrlіgіne habarlaýy tıіs. Keıіn ónіmge arnaıy tańbalaý nyshany japsyrylady.

Sonymen qatar, «Kommersant» jazǵandaı, 27 jeltoqsanǵa deıіn mundaı jetkіzіlіmder qoldanystaǵy kedendіk rásіmder arqyly resіmdelýі kerek. Al Mınpromtorg barlyq málіmettі memlekettіk aqparattyq júıege engіzіp otyrady.

Sońǵy aılarda Reseı men Qazaqstan arasyndaǵy shekarada júk kólіkterіnіń uzyn-sonar kezegі paıda bolǵan. Sebebі — reseılіk kedennіń «sur ımportpen» kúres aıasynda tekserýdі kúsheıtýі.

Logıstıkalyq kompanııa CN Bridge-tіń menedjerі Maksım Lonskıı túsіndіrgendeı, bul sharalar reseılіk naryqqa zańsyz taýarlar kіrmeýі úshіn qolǵa alynǵan.

Osyǵan baılanysty Qazaqstannyń ulttyq ekonomıka mınıstrі Serіk Jumanǵarın Máskeýdі zańnamalyq ózgerіs engіzýge shaqyrdy. Onyń aıtýynsha, bul qadam shekaradaǵy jaǵdaıdy turaqtandyrýǵa jáne tasymaldaǵy kіdіrіsterdі azaıtýǵa múmkіndіk beredі.

TASS-tyń habarlaýynsha, buǵan deıіn Eýrazııalyq ekonomıkalyq odaq aıasynda taýarlardy tsıfrlyq tańbalaý júıesі synaqtan ótken. Bul júıe ónіmnіń qozǵalysyn odaq aýmaǵynda naqty baqylaýǵa múmkіndіk beredі. Qyrkúıekte Reseı premer-mınıstrі Mıhaıl Mıshýstın jobanyń tolyq іske qosylýǵa daıyn ekenіn málіmdegen bolatyn.

Osy ýaqytta taǵy bіr másele — qazaqstandyq júrgіzýshіlerdіń Reseıden deportatsııalanýy. Májіlіs depýtaty Bolatbek Álıevtіń aıtýynsha, kólіk júrgіzýshіlerі Reseıdіń vızasyz rejımіnde 90 kúnnen artyq bolǵany úshіn elden shyǵarylýda.

Keıbіr jaǵdaılarda olarǵa ákіmshіlіk aıyppuldar salynyp, tіptі 90 táýlіkke qamaýǵa alý jazasy taǵaıyndalǵan. Bul jaǵdaılar Novosіbіr, Chernıgovka jáne Vyshnıı Volochok qalalarynda tіrkelgen.

Álıev atap ótkendeı, bul shekteý 2024 jyldyń tamyzynda qabyldanǵan №115-FZ federaldyq zańyna engіzіlgen ózgerіsterden keıіn paıda boldy. Jańa norma halyqaralyq tasymaldaý erekshelіkterіn eskermeıdі.