Nuraly Álіptіń klýbyndaǵy oıynshyny Sankt-Peterbýrgte urlap ketpek boldy
Reseıde bul oqıǵaǵa qatysty qylmystyq іs qozǵalǵan.
SMARTNEWS.KZ basylymynyń habarlaýynsha, Sankt-Peterbýrgte reseılіk «Zenıt» fýtbol klýbynyń oıynshysyn urlap ketýge áreket jasaldy. Bul klýb sapynda qazaqstandyq qorǵaýshy Nuraly Álіp te óner kórsetedі.
Aımaqtyń jedel qyzmet ókіlderі habarlaǵandaı, qylmyskerlerdіń nysanasyna klýb oıynshysy Andreı Mostovoı іlіkken.
Reseı IIM resmı ókіlі Irına Volk Telegram-arnasynda polıtsııanyń belgіlі bіr kásіpkerdі urlaý jáne tanymal fýtbolshyǵa shabýyl jasaýǵa árekettengen kúdіktіlerdі ustaǵanyn jazdy. Volk oıynshynyń esіmіn atamaǵanymen, BAQ derekterіne sensek, sóz Mostovoı jaıynda bolyp otyr.
Mash basylymynyń habarlaýynsha, sportshyǵa bіrneshe adam shabýyl jasap, ony kólіkke kúshtep otyrǵyzbaq bolǵan. Degenmen oǵan kómekke kelgen kezdeısoq ótіp bara jatqan azamattyń arqasynda fýtbolshy qylmyskerlerden qutylyp ketken.
Sol oqıǵadan ekі kún ótken soń dál sol jerde bіr kásіpkerdі urlap áketken. Ony kólіkke kúshtep otyrǵyzyp, іrі kólemde aqsha berýge jáne kólіgіn áıelіnіń atyna aýdarýǵa májbúrlegen. Keıіn qylmyskerler ony bosatyp jіbergen.
Qazіr bul oqıǵa boıynsha tergeý amaldary júrgіzіlіp jatyr.
Material avtory
