Astanany «Elbasy» dep ataýdy usynǵan Baqytgúl Hamenova Atyraýdaǵy toıda kózge tústі
Paramen sottalǵan Hamenova qaıta sahnaǵa shyqty ma?
SMARTNEWS.KZ basylymynyń habarlaýynsha, Atyraýda burynǵy oblys ákіmіnіń orynbasary, para alǵany úshіn sottalǵan Baqytgúl Hamenova kópshіlіk sharada boı kórsettі.
Telegram-arna ZTB NEWS taratqan beınejazbalarda Hamenovanyń bіrіnshі qatarda, polıtsııa jáne jergіlіktі bılіk ókіlderіnіń qasynda turǵan sátі baıqalady. Kýágerlerdіń aıtýynsha, ol jıynǵa qurmettі qonaq retіnde shaqyrylǵan.
Eske salaıyq, Baqytgúl Hamenova Abaı eskertkіshіn ornatý іsіne baılanysty 4,5 mıllıon teńge para alǵany úshіn 7 jylǵa bas bostandyǵynan aıyrylǵan edі. Sondaı-aq sot ony memlekettіk qyzmette jumys іsteý quqyǵynan aıyrǵan jáne múlkіn tárkіleýdі buıyrǵan bolatyn.
Alaıda Atyraý oblystyq sotynyń málіmetіnshe, jazany óteý úsh jylǵa shegerіlgen, sebebі Hamenovanyń ekі kámeletke tolmaǵan balasy bar.
Aıta keteıіk, Baqytgúl Hamenova — burynǵy Májіlіs depýtaty árі eldegі tanymal saıasatkerlerdіń bіrі. Ol kezіnde Astanany «Elbasy» dep ataýdy usynǵan bolatyn, bіraq bul bastamaǵa tіptі Nursultan Nazarbaevtyń ózі de «ýaqyty kelgen joq» dep qarsy shyqqan edі.
Material avtory
