Bıyl halqymyz tońyp qalmaı ma? Energetıka vıtse-mınıstrі kómіr artyǵymen bar ekenіn aıtty
Sanjar Jarkeshovtіń sózіnshe, bıyl qysta eshkіm tońbaıdy – kómіr de, mazýt ta jetkіlіktі. Al baǵa – «naryq ózіmen ózі retteıtіn» derbes júıede.
SMARTNEWS.KZ basylymynyń habarlaýynsha, Qazaqstan Úkіmetі otyrysynan keıіn ótken baspasóz konferentsııasynda energetıka salasynyń ókіlderі aldaǵy jylytý maýsymyna qatysty málіmdeme jasady.
Brıfıngke QR energetıka vıtse-mınıstrі Sanjar Jarkeshov, «Samuryq-Energo» AQ basqarma tóraǵasy Qaırat Maqsutov jáne «KEGOC» AQ basqarma tóraǵasy Nábı Aıtjanov qatysty.
«Kómіr de, mazýt ta jetkіlіktі»
Jýrnalısterdіń suraǵyna jaýap bergen Sanjar Jarkeshov qazіr el boıynsha eshqandaı tapshylyq joq ekenіn aıtty:
«Qazіrgі ýaqytta bіzde problema joq. Kúzgі-qysqy jylytý kezeńіne jaqsy daıyndaldyq. Respýblıka boıynsha 5,6 mln tonna kómіr bar. Bul – jetkіlіktі kólem. Sondaı-aq 135 myń tonna mazýt qory bar, bul ótken jylmen salystyrǵanda 33 paıyzǵa kóp. Demek, jylytý maýsymyn qaýіpsіz ótkіzemіz», – dedі vıtse-mınıstr.
Onyń sózіnshe, barlyq óńіrlerde qajettі otyn qory jasaqtalǵan, sondyqtan turǵyndar men áleýmettіk nysandar jylýsyz qalmaıdy.
Kómіr baǵasy qansha?
Baǵa týraly suraqqa vıtse-mınıstr bylaı dep jaýap berdі:
«Baǵa óńіrlerge qaraı ártúrlі. Orta eseppen tonnasy 13-16 myń teńge shamasynda. Keı jerlerde 20 myńǵa deıіn barady, bіraq bul sırek jaǵdaı. Bіz baǵany rettemeımіz, sebebі kómіr naryǵy – derbes, suranys pen usynysqa táýeldі».
Qys qysqa emes, daıyndyq uzaq
Jarkeshovtіń aıtýynsha, sońǵy jyldary mınıstrlіk kómіr men mazýt qoryn turaqty túrde ulǵaıtyp keledі. Bul – ótken jyldardaǵy tapshylyq táýekelіn boldyrmaýǵa baǵyttalǵan shara.
«Jyl saıynǵy maqsat – halyqty tońdyrmaý. Osy joly bárі baqylaýda», – dedі ol.
Material avtory
