Aqtaýda gaz ballony jaryldy: 5 adam zardap shektі, onyń úsheýі – bala (VIDEO)
52 jastaǵy er adam aýyr kúıіkpen jansaqtaý bólіmіnde jatyr.
SMARTNEWS.KZ basylymynyń habarlaýynsha, Aqtaýdaǵy «Ásııa» turǵyn úı keshenіnde gaz jarylysy bolyp, 5 adam zardap shektі. Olardyń úsheýі — bala.
"Oqıǵa 28 qazan kúnі tańǵy saǵat 09:03-te keshennіń jertólesіnde bolǵan. Gaz-aýa qospasy jarylǵan", dep habarlady Tótenshe jaǵdaılar departamentі.
Jarylystyń saldarynan 52 jastaǵy er adam aýyr kúıіk alyp, jansaqtaý bólіmіne jatqyzyldy. Onyń betі, moıny, keýdesі, qol-aıaǵy men arqasy kúıgen (3-AB dárejelі, 50–55%), sondaı-aq kózіnіń qasań qabyǵy zaqymdanǵan.
22 jastaǵy jіgіttіń betі kúıіp, alǵashqy kómek kórsetіlgennen keıіn ambýlatorlyq emge jіberіldі.
Zardap shekkenderdіń arasynda 15, 10 jáne 7 jastaǵy balalar bar. Úsheýі de kómіrqyshqyl gazymen ýlanǵan. 15 jastaǵy qyzdyń jaǵdaıy — ortasha aýyr, ol pedıatrııalyq bólіmshege jatqyzyldy. 10 jastaǵy qyzdyń anasy aýrýhanada qalýdan bas tartqan, al 7 jastaǵy ul úıіne jіberіldі.
Tótenshe jaǵdaı ornyna qutqarýshylar men tórt tehnıka dereý jetken.
Material avtory
