Majarstan Ýkraınaǵa kómek berýge qarsy shyqty: Kreml ıdeıany qoldady

SMARTNEWS.KZ basylymynyń habarlaýynsha, Majarstan Chehııa jáne Slovakııamen bіrіgіp, Ýkraınaǵa kómek kórsetýge qarsy odaq qurýdy kózdep otyr.

Vengrııa Eýropalyq odaq іshіnde Ýkraınaǵa qarjylaı jáne áskerı qoldaý kórsetýge qarsy jańa alıans qurýdy josparlap otyr. Bul týraly Politico basylymy vengr premer-mınıstrі Vıktor Orbannyń saıası keńesshіsі Balaj Orbanǵa sіlteme jasap habarlady.

Onyń aıtýynsha, Býdapesht Slovakııa premerі Robert Fıtso jáne Chehııanyń jańa úkіmetіn quryp jatqan saıasatker Andreı Babıshpen odaqtasýdy josparlap otyr. Maqsat — Eýroodaq sammıtterі aldynda ortaq ustanym qalyptastyrý jáne Ýkraınaǵa kómek jónіndegі sheshіmderdі baıaýlatý.

«Bul Polshasyz jańa “Vyshegrad úshtіgіne” aınalýy múmkіn», — dep jazady Politico.

Balaj Orbannyń aıtýynsha, odaqqa Eýroparlamenttegі keıbіr partııalar da kіrýі yqtımal — atap aıtqanda, ońshyl «Eýropalyq konservatorlar men reformıster», «Egemen ulttar Eýropasy» fraktsııalary men bіrneshe solshyl toptar.

Ýaqyt óte kele bul bastamany «Eýropalyq halyq partııasynyń» keıbіr ókіlderі de qoldaýy múmkіn. Sarapshylardyń aıtýynsha, bul Eýroparlamenttegі qazіrgі ortalyq kópshіlіktі buzýy yqtımal.

Kreml bul ıdeıaǵa oń baǵa berdі. Reseı prezıdentі Vladımır Pýtınnіń baspasóz hatshysy Dmıtrıı PeskovEýroodaq elderіnіń basym bólіgі «mılıtarıstіk ısterııada» ekenіn aıtyp, Vengrııa sekіldі elderdіń óz ustanymyn qorǵaýǵa tyrysyp otyrǵanyn atap óttі.

«Ondaı memleketter az, bіraq olar bar. Ne bolaryn kóre jatarmyz», — dedі Peskov.