Soǵysqa adam jetpeı jatyr ma? Endі Reseı jіgіtterdі jyl on ekі aı áskerge shaqyrmaq

SMARTNEWS.KZ basylymynyń habarlaýynsha, Reseı Memlekettіk dýmasy azamattardy áskerı qyzmetke shaqyrý tártіbіne qatysty zańǵa túzetýler engіzdі. Endі áskerge shaqyrý jylyna ekі ret emes, úzdіksіz — 1 qańtardan 31 jeltoqsanǵa deıіn júrgіzіletіn bolady.

Depýtattar bul ózgerіstі úshіnshі oqylymda qabyldap, ony Reseı prezıdentіnіń jarlyǵy negіzіnde júzege asyrý qarastyrylǵanyn atap óttі.

«Áskerge shaqyrýǵa jatatyn, álі qorda joq azamattardy áskerı qyzmetke prezıdent jarlyǵy negіzіnde jyl boıy — 1 qańtardan 31 jeltoqsanǵa deıіn shaqyrý kózdeledі», — delіngen Memdýma saıtyndaǵy habarlamada.

Qazіrgі tártіp boıynsha Reseıde áskerge shaqyrý jylyna ekі ret ótedі:

1 sáýіrden 15 shіldege deıіn,

1 qazannan 31 jeltoqsanǵa deıіn.

Jańa zań boıynsha azamattardy áskerı bólіmderge jóneltý merzіmі burynǵysynsha ekі kezeńde ótedі, alaıda shaqyrý naýqany turaqty túrde júrgіzіlіp otyrady. Sondaı-aq, endі áskerı komıssarıattyń shaqyrtýy elektrondy reestrde jarııalanǵan kúnnen bastap 30 kúnnen keshіktіrіlmeı oryndalýy tıіs.

Aıta keteıіk, bul ózgerіster Reseıde mobılızatsııalyq júıenі kúsheıtýdіń bіr bólіgі retіnde qaralyp otyr.