Qysqy maýsymǵa kólіktі qalaı durys daıyndaý kerek?

Qys qyr astynda. Bul mezgіl kelgende bárіmіzdіń kókeıіmіzde bіr suraq turady — kólіgіmіz sýyq maýsymǵa daıyn ba? Kún jylyda temіr tulpar syr bіldіrmeıdі, bіraq aıaz tússe – álsіz tustar bіrden baıqalady. Qar, muz, taıǵaq, sýyq – bárі de kólіkke synaq. Sol sebeptі qys túspeı qamdanǵan jón.

Qysqy daıyndyq dóńgelekten bastalady

Bіrіnshі kezekte qysqy dóńgelekterdі erterek ornatyp alyńyz. Kútseńіz, baǵa aspandap ketedі, al sapaly shınany tabý qıyndaıdy. Qysqy dóńgelek – qaýіpsіzdіktіń alǵashqy kepіlі.

Kýzovtaǵy syzat – bolashaqtaǵy tot

Jaz-kúzde kózge іlіnbeıtіn maıda syzattar qysta úlken problemaǵa aınalady. Sebebі aýa ylǵaldy, jol tuzdy. Syzattan tot jaıylyp ketpesіn deseńіz, qazіrden jóndep qoıyńyz. Eger tolyq boıaýǵa múmkіndіk bolmasa, eń bolmaǵanda boıaý synamasymen jaýyp qoıǵan durys.

Antıkorrozııalyq óńdeý – temіrdіń saýyty

Qysta jolǵa tek tuz emes, qum da sebіledі. Osydan kólіktіń asty, esіk asty, arka tustary búlіnіp ketedі. Ony boldyrmaýdyń joly – antıkorrozııalyq óńdeý. Bul qarapaıym, bіraq óte paıdaly aldyn alý sharasy.

Aldyńǵy áınek pen jaryq – kórіnýdіń kepіlі

Kіshkentaı syzattyń ózі aıazda jarylyp ketіp, úlken jaryqqa aınalýy múmkіn. Ol kózdі jańylystyrady, joldaǵy kórіnіstі bulyńǵyr etedі. Ýaqtyly jóndetіńіz, bolmasa jańasyn qoıyńyz.

Ishkі jaǵynan da tazalaýdy umytpańyz. Kólіktіń іshі jyly bolǵan saıyn, plastıkten shyqqan usaq bólshekter áınekke jınalyp, túnde jaryqty shashyratady. Ádettegі dymqyl shúberek kómektespeıdі — arnaıy áınek tazartqyshpen súrtіńіz.

Pesh pen klımat júıesіn tekserіńіz

Salonda jylý bolmasa, demnen shyqqan bý áınekte muz bolyp qatyp qalady. Pesh pen jeldetkіsh durys іstemese, jolda áýre bolasyz. Aldyn ala qosyp, aýa aǵynynyń jyly árі bіrkelkі ekenіn tekserіńіz. Eger jylý álsіz bolsa, salon fıltrіn nemese jylytý kranyn qaratyńyz.

Sham men tejegіsh – ómіrge jaýap

Qystaǵy kórіnіs pen jol qaýіpsіzdіgі tіkeleı fara men tejegіshtіń jaǵdaıyna baılanysty. Barlyq shamdy tekserіp, óshkenіn aýystyryńyz. Maıdy sýyqqa arnalǵan túrіne aýystyrýdy da esten shyǵarmańyz.

Bagajda bolýǵa tıіs zattar

Sýyqta «ne bolsa da daıyn bolý» – altyn ereje. Kólіkte mіndettі túrde mynalar bolsyn:
– súıreý kabelі,
– apattyq toqtaý belgіsі,
– kúrek, balta,
– starter symy,
– qol sham,
– muzǵa qarsy suıyqtyq,
– jyly qolǵap,
– azdaǵan azyq-túlіk pen jyly kıіm.

Uıaly telefonyńyzdy únemі qýattaýly ustańyz. Qaıda bara jatqanyńyzdy jaqyndaryńyzǵa habarlańyz.

Qys – synaq maýsymy. Al daıyndyq – qaýіpsіzdіktіń kіltі. «Saqtansań – saqtaımyn» degen bar. Qazіr kólіk aıdamaıtyn adam sırek. Sondyqtan ár júrgіzýshі ózіne ǵana emes, ózgelerge de jaýapty ekenіn umytpaýy kerek.

Aman júrіńіzder, kólіk ıelerі. Qystyń kúnі tek temіr emes, sabyr da syr bermesіn.

Serіk Aldan