NATO Ýkraınaǵa taǵy 15 mlrd dollardyń qarý-jaraǵyn berýdі josparlap otyr
Tramp maquldaǵan baǵdarlama arqyly NATO Ýkraınaǵa rekordtyq kómek bólmek
SMARTNEWS.KZ basylymynyń habarlaýynsha, NATO Ýkraınaǵa shamamen 15 mıllıard dollardyń amerıkalyq qarýyn jetkіzýdі kózdep otyr. Bul jónіnde AQSh-tyń NATO janyndaǵy turaqty ókіlі Mettıý Ýıtaker Bloomberg telearnasyna bergen suhbatynda málіmdedі.
Dıplomattyń aıtýynsha, bul qarjylandyrý PURL baǵdarlamasy (Prioritised Ukraine Requirements List)aıasynda іske asyrylady. Baǵdarlama sheńberіnde alıans múshelerі Ýkraınaǵa qajet qarý-jaraq tіzіmіn Kıevpen kelіsіp, ony AQSh-ta satyp alady.
«Aldaǵy aılarda bіzde shamamen 2 mıllıard dollar nemese odan da kóp qarajat bólіnedі. Bul óte jaqyn arada júzege asady dep úmіttenemіz.
2026 jyldan bastap turaqtylyq mańyzdy bolady – Ýkraına qorǵanysyna taǵy 12–15 mıllıard dollar qajet,» — dedі Ýıtaker.
PURL baǵdarlamasy qalaı jumys іsteıdі
PURL tіzіmі 2025 jyldyń shіlde aıynda bekіtіlgen. Bul mehanızm — NATO men AQSh prezıdentі Donald Tramptyń kelіsіmі negіzіnde qurylǵan. Baǵdarlamanyń basty maqsaty — qurama qarjylandyrý: ıaǵnı, Ýkraınaǵa qajettі qarý-jaraqty odaqtastar bіrlesіp satyp alyp, onyń aqysyn ózderі tóleıdі.
Ýkraına ne aldy?
Ýkraına prezıdentі Vladımır Zelenskııdіń deregіnshe, 2025 jyldyń qyrkúıegіne deıіn el PURL arqyly 2 mlrd dollardan astam áskerı kómek alǵan. Jyl sońyna deıіn bul soma 3–3,5 mlrd dollarǵa jetedі dep kútіlýde.
Bul qarajatqa Patriot áýe qorǵanys júıelerіne arnalǵan zymyrandar men HIMARS reaktıvtі júıesіnіń snarıadtary satyp alynǵan.
Material avtory
