Almatyda mas jasóspіrіmder tóbelesken túngі klýb jabylady
Helloýın keshіnde mas kúıde ustalǵan kámeletke tolmaǵandar oqıǵasynan soń polıtsııa klýbtyń jumysyn toqtatý týraly bastama kóterdі.
SMARTNEWS.KZ basylymynyń habarlaýynsha, Almatyda atyshýly ICON CLUB túngі klýbynda ótken jasóspіrіmderge arnalǵan Helloýın keshі úlken daýǵa ulasty. Áleýmettіk jelіde taraǵan vıdeodan keıіn polıtsııa bіrden áreketke kóshіp, kámeletke tolmaǵandarǵa alkogol berіlgenіn anyqtady.
Qalalyq polıtsııa departamentіnіń málіmetіnshe, alty jasóspіrіm ustaldy, olardyń ekeýі mas kúıіnde bolǵan. Barlyǵy ıývenaldyq polıtsııanyń profılaktıkalyq esebіne alyndy.
«Medıtsınalyq saraptama nátıjesі boıynsha ekі jasóspіrіmnіń alkogol іshkenі dáleldendі. Olardyń ata-analaryna balalaryna durys tárbıe bermegenі úshіn aıyppul salyndy», — dep habarlady polıtsııa ókіlderі.
ICON CLUB ákіmshіlіgіne kámeletke tolmaǵandardy eresektersіz kіrgіzgenі úshіn aıyppul salyndy. Sonymen qatar polıtsııa mekemenіń qyzmetіn ýaqytsha toqtatý jáne tolyq jabý týraly usynysty sotqa joldady.
Polıtsııa departamentі mundaı jaǵdaılarǵa nóldіk tózіmdіlіk saıasaty ustanatynyn eskerttі:
«Kámeletke tolmaǵandarǵa qatysty kez kelgen zań buzýshylyq qatań túrde toqtatylady. Balalardyń qaýіpsіzdіgі – bіzdіń basty mіndetіmіz», — delіngen resmı málіmdemede.
Áleýmettіk jelіlerde tarap ketken vıdeolarda jasóspіrіmderdіń janynda belgіsіz “aq untaq” bar degen aqparat taraǵan. Alaıda polıtsııa bul málіmettіń shyndyqqa janaspaıtynyn resmı túrde rastady.
Aıta keteıіk, buǵan deıіn senatorlar túngі klýbtar men oıyn-saýyq oryndaryn lıtsenzııalaý talaptaryn kúsheıtýdі usynǵan edі. Olardyń aıtýynsha, qazіrgі tańda bul salada qaýіpsіzdіk pen tártіptі saqtaý deńgeıі tómen, al ıelerіne qoldanylatyn sanktsııalar jetkіlіksіz.
Material avtory
