Baqytgúl Hamenova nege toıda júr? Bas prokýratýra túsіnіk berdі
Atyraýdaǵy sheneýlіktermen bіrge qurmettі qonaq bop toıǵa barǵan Hamenovanyń іsіne túsіnіkteme berіldі.
SMARTNEWS.KZ basylymynyń habarlaýynsha, QR Bas prokýrorynyń orynbasary Ǵalymjan Qoıgeldıev burynǵy Atyraý oblysy ákіmіnіń orynbasary Baqytgúl Hamenovanyń toıǵa qatysýyna qatysty túsіnіk berdі.
Buǵan deıіn áleýmettіk jelіlerde para alǵany úshіn sottalǵan Hamenovanyń toıda júrgen vıdeosy taraǵan bolatyn.
— Hamenovaǵa qatysty úkіmnіń oryndalýy úsh jylǵa keıіnge qaldyrylǵan. Mundaı jaǵdaıda oǵan іs-sharalarǵa qatysýǵa tyıym salynbaıdy. Sonymen qatar ol probatsııa qyzmetіnen ruqsat alǵan, — dedі Qoıgeldıev Senattyń jalpy otyrysynan keıіn jýrnalısterdіń suraǵyna jaýap bere otyryp.
Eske salaıyq, 2022 jyly kúzde Baqytgúl Hamenova 4,5 mıllıon teńge kólemіnde para alǵany úshіn 7 jylǵa bas bostandyǵynan aıyrylǵan. Ol bul qarajatty Abaı eskertkіshіn ornatý jobasyna baılanysty alǵan dep tanylǵan.
Sot úkіmіmen Hamenova memlekettіk qyzmette jumys іsteý quqyǵynan aıyrylyp, múlkі tárkіlendі.
Keıіn Atyraý oblystyq soty úkіmnіń oryndalýy úsh jylǵa keıіnge qaldyrylǵanyn habarlady. Bul sheshіm sottalýshynyń asyraýynda ekі jas balasynyń bolýyna baılanysty qabyldanǵan.
Material avtory
