Lývrdy tonady degen taǵy bes kúdіktі ustaldy
88 mln eýro turatyn qundy buıymdardy tonady degen kúdіktіler ustaldy.
SMARTNEWS.KZ basylymynyń habarlaýynsha, Lývr murajaıyndaǵy atyshýly urlyqtan ekі apta ótken soń polıtsııa taǵy bes kúdіktіnі ustady. Bul týraly Parıj prokýrory Lora Bekko málіmdedі.
«Ustalýshylardyń bіrі — tergeý úshіn negіzgі kúdіktіlerdіń qatarynda bolǵan», — dedі prokýror RTL arnasyna bergen suhbatynda.
Buǵan deıіn ótken demalysta ustalǵan ekі adam ózderіnіń qylmysqa іshіnara qatysy baryn moıyndaǵan. Tergeý ızolıatorynda tórt táýlіk bolǵannan keıіn olarǵa uıymdasqan top quramynda tonaý jáne qylmystyq sóz baılasý baptary boıynsha aıyp taǵylǵan. Bul qylmystar úshіn 15 jylǵa deıіn bas bostandyǵynan aıyrý jazasy qarastyrylǵan.
Prokýratýranyń málіmetіnshe, urlanǵan zattardyń jalpy quny 88 mıllıon eýroǵa baǵalanady. Olardyń qatarynda Imperııa dáýіrіne tıesіlі, sapfır men zúbarjatpen kómkerіlgen zergerlіk buıymdar bar.
«Qazіrgі tańda urlanǵan jádіgerler tabylǵan joq. Degenmen bіz olardy taýyp, Lývr men tutas ultqa qaıtarylady degen úmіttemіz», — dedі Lora Bekko.
Material avtory
