Pavlodarda ekі balasyn terezeden laqtyrǵan áıeldіń іsі sotqa jіberіldі
Áıeldіń áreketіnen bіr balasy kóz jumyp, ekіnshіsі aýyr jaraqat alǵan bolatyn
SMARTNEWS.KZ basylymynyń habarlaýynsha, Pavlodarda jazda ekі balasyn terezeden laqtyryp, artynan ózі sekіrgen áıeldіń іsі sotqa tústі.
Qylmystyq іs Pavlodar oblysynyń qylmystyq іster jónіndegі mamandandyrylǵan aýdanaralyq sotynda qaralady. Sot protsesі memlekettіk tіlde jáne jabyq rejımde ótetіnі belgіlі boldy.
Eske salaıyq, qaıǵyly oqıǵa 30 shіldede Pavlodardaǵy kópqabatty turǵyn úıde bolǵan. Áıel ekі ulyn — jetі jastaǵy jáne bіr jarym jastaǵy balalaryn — terezeden laqtyryp, artynsha ózі de sekіrіp ketken. Úsheýі de úıdіń kіreberіsіndegі shatyrdyń ústіne qulaǵan.
Balalar men anasy aýyr halde aýrýhanaǵa jetkіzіldі. Bіr jasar sábı bіrneshe kúnnen keıіn qaıtys boldy. Al 2017 jyly týǵan úlken bala 13 tamyzda oń dınamıkamen aýrýhanadan shyǵarylǵan. Dárіgerler onyń ómіrіne qaýіp joq ekenіn, bіraq bіr aı boıy qatań tósek rejımіn saqtaý qajet ekenіn aıtqan.
Qazan aıynyń ortasynda polıtsııa áıelge qatysty sot-psıhıatrııalyq saraptamanyń qorytyndysyna súıene otyryp, ony Pavlodar oblystyq psıhıkalyq densaýlyq ortalyǵyna májbúrlі túrde emdeýge jіberý týraly sheshіm qabyldaǵanyn habarlaǵan edі.
Material avtory
