Istі jabý úshіn 20 mıllıon teńge para suraǵan Rýdnyıdyń prokýrory sottaldy
Para úshіn sottalǵan prokýror memlekettіk qyzmetten aıyryldy
SMARTNEWS.KZ basylymynyń habarlaýynsha, Qostanaıda Rýdnyı qalasynyń prokýrory Murat Ospanovqa úkіm shyqty. Ol asa іrі kólemde para almaq bolǵany úshіn kіnálі dep tanyldy.
Tergeý deregіnshe, Ospanov Rýdnyı qalalyq qurylys bólіmіnіń basshysynan 20 mıllıon teńge talap etken. Ol bul somaǵa aıyptaý іsіn toqtatýǵa ýáde berіptі. Bіraq sheneýnіk para berýden bas tartyp, quqyq qorǵaý organdaryna júgіngen.
Keıіn Ospanov UQK qyzmetkerlerі tarapynan para alý ústіnde ustaldy. Tárkіlengen aqshanyń bіr bólіgі mýlıaj bolǵan.
Sot úkіmіne sáıkes, Murat Ospanov 4 jyl 6 aıǵa ortasha qaýіpsіzdіk mekemesіne bas bostandyǵynan aıyryldy. Sonymen qatar ol memlekettіk qyzmet atqarý quqyǵynan aıyrylyp, «ádіlettіń aǵa keńesshіsі» degen laýazymdyq shenіnen de maqurym boldy.
Sot barysynda prokýror óz kіnásіn tolyq moıyndap, іs qysqartylǵan tártіpte qaraldy. Qorǵaý tarapy aıyptalýshynyń otbasylyq jaǵdaıyn eskerіp, aıyppulmen shekteýdі suraǵanymen, sot bul ýájderdі negіzsіz dep tapty.
Material avtory
