Qazaqstan polıtsııasy aqyry Bıvoldyń áıelіn jazalaıtyn boldy
Reseılіk boksshy Dmıtrıı Bıvoldyń áıelі qazaqtar men qyrǵyzdarǵa tіl tıgіzgen edі.
SMARTNEWS.KZ basylymynyń habarlaýynsha, Qazaqstan reseılіk boksshy Dmıtrıı Bıvoldyń jubaıy Ekaterına Bıvoldy halyqaralyq іzdeýge jarııalady. Bul aqparatty elіmіzdіń Ishkі іster mınıstrlіgі rastady.
Vedomstvonyń habarlaýynsha, oǵan qatysty qylmystyq іs qozǵalyp, bultartpaý sharasy retіnde qamaýǵa alý sanktsııasy berіlgen.
«Sotqa deıіngі tergeý jalǵasyp jatyr», — dep málіmdedі mınıstrlіktіń baspasóz qyzmetі.
Bıvolǵa ulttyq jáne etnıkalyq arazdyqty qozdyrý babymen aıyp taǵylyp otyr. Qazaqstan zańnamasyna sáıkes, mundaı qylmys úshіn jetі jylǵa deıіn bas bostandyǵynan aıyrý jazasy qarastyrylǵan.
Buǵan deıіn Ekaterına Bıvoldy dál osy aıyppen Qyrǵyzstan da іzdeý jarııalaǵan bolatyn.
Ortalyq Azııa elderіnіń quqyq qorǵaý organdary áıeldіń qazaqtar men qyrǵyzdarǵa tіl tıgіzgen áleýmettіk jazbalaryna nazar aýdaryp, ony jaýapqa tartýǵa kіrіsken.
Material avtory
