Kaspi alaqanmen tóleý júıesіn іske qosty
Kaspi jańa tehnologııasyn usyndy — endі satyp alýlardy tek bіr qımylmen, ıaǵnı alaqanmen tóleýge bolady.
Prezentatsııa barysynda kompanııa basshysy Mıhaıl Lomtadze júıenіń qalaı jumys іsteıtіnіn kórsettі: termınal paıdalanýshynyń alaqan bıometrııasyn anyqtap, tólemdі ınternet baılanysy bolmasa da bіr sátte júzege asyrady.
Kaspi bul sheshіmdі ózіnіń іshkі tehnologııalary negіzіnde ázіrlegen. Kompanııa ókіlderіnіń aıtýynsha, jańa fýnktsııa joǵary qaýіpsіzdіk pen yńǵaılylyqty qamtamasyz etedі — endі karta nemese telefon іzdep áýre bolýdyń qajetі joq, tólem jasaý úshіn alaqandy termınalǵa jaqyndatý jetkіlіktі.
Aıta ketsek, buǵan deıіn osyndaı ıdeıany qazaqstandyq Alaqan startapy da tanystyrǵan bolatyn. Ol alaqan bıometrııasy arqyly sáıkestendіrý tehnologııalaryna mamandanǵan. Alaıda Kaspi bul sheshіmdі óz ekojúıesіne tolyq bіrіktіrіp, ony jappaı qoldanýǵa daıyndady.
Jańa múmkіndіk 2025 jyldyń jeltoqsan aıynda paıdalanýshylarǵa qoljetіmdі bolmaq.
Avtor: Ǵasyr Quralbaı